كەشە پالاتا توراعاسى نۇرلان نىعماتۋليننىڭ توراعالىعىمەن وتكەن جالپى وتىرىستا ءماجىلىس ءبىرىنشى وقىلىمدا مەنشىك قۇقىعىن قورعاۋدى كۇشەيتۋ, شارتتىق مىندەتتەمەلەردى قورعاۋدى كەپىلدەندىرۋ جانە ولاردى بۇزعانى ءۇشىن جاۋاپكەرشىلىكتى قاتاڭداتۋ ماسەلەلەرى بويىنشا وزگەرىستەر ەنگىزۋ تۋرالى زاڭ جوباسىن ماقۇلدادى.
جاڭالىقتار ازاماتتىق كودەكسىنىڭ ءتيىستى اكتىنى شىعارعان مەملەكەتتىك ورگاننىڭ نەمەسە لاۋازىمدى ادامنىڭ كىناسىنە قاراماستان, زاڭسىز اكتىلەردى شىعارۋ سالدارىنان مەنشىك يەسىنە كەلتىرىلگەن شىعىنداردى وتەۋ تۋرالى 267-بابىنىڭ رەداكتسياسىن ناقتىلاۋدى ۇسىنىپ وتىر. بۇعان قوسا, زاڭ جوباسىندا ناقتى جىلجىمايتىن م ۇلىك وبەكتىسى بويىنشا اقپارات قۇقىق يەلەنۋشىنىڭ كەلىسىمىمەن وزگە دە تۇلعالاردىڭ سۇراۋ سالۋلارى بويىنشا بەرىلەتىن جانە قۇقىق يەلەنۋشىنىڭ كەلىسىمىنسىز وسىنداي اقپاراتقا قولجەتىمدىلىك الۋعا قۇقىعى بار تۇلعالاردىڭ تۇبەگەيلى توبى ايقىندالاتىن نورمالار كوزدەلىپ وتىر. سونىمەن قاتار, زاڭ جوباسىمەن نوتاريالدىق كۋالاندىرىلعان مامىلە جاساسقان جاعدايدا جىلجىمايتىن م ۇلىككە قۇقىقتى مىندەتتى ءتۇردە ەلەكتروندىق تارتىپپەن مەملەكەتتىك تىركەۋ بەلگىلەنەدى.
وسىنداي جانە دە باسقا جاڭاشىلدىقتاردى زاڭناما جانە سوت-قۇقىقتىق رەفورما كوميتەتىنىڭ مۇشەسى مۇحتار ءتىنىكەەۆ قوسىمشا بايانداماسىندا ءتۇسىندىرىپ ءوتتى.
وتىرىستا ءماجىلىس 1994 جىلعى 28 ناۋرىزداعى قازاقستان رەسپۋبليكاسىنىڭ ۇكiمەتi مەن رەسەي فەدەراتسياسىنىڭ ۇكiمەتi اراسىنداعى ونەركاسىپتىك اۆاريالاردىڭ, اپاتتاردىڭ, دۇلەي ءزىلزالالاردىڭ الدىن الۋ جانە ولاردىڭ زارداپتارىن جويۋ سالاسىنداعى ىنتىماقتاستىق تۋرالى كەلىسىمگە اۆاريالىق-قۇتقارۋ قىزمەتتەرى مەن قۇرىلىمدارىنىڭ مەملەكەتتىك شەكارانى كەسىپ ءوتۋىنىڭ وڭايلاتىلعان ءتارتىبى تۋرالى حاتتامانى راتيفيكاتسيالاۋ تۋرالى زاڭ جوباسىن ماقۇلدادى.
حالىقارالىق ىستەر, قورعانىس جانە قاۋىپسىزدىك كوميتەتىنىڭ مۇشەسى, دەپۋتات ەركىن شپانوۆتىڭ مالىمدەۋىنشە, كومەك سۇراۋشى تاراپتاردىڭ اۆاريالىق-قۇتقارۋ قىزمەتتەرى مەن قۇرالىمدارىنىڭ مۇشەلەرى وتكىزۋ پۋنكتتەرى مەن جۇمىس جاساپ تۇرعان پۋنكتتەرىنەن ءبىرىنشى كەزەكتە مەملەكەتتىك شەكارانى كەسىپ وتەدى.
تالقىلاۋدان سوڭ ءماجىلىس ءتوتەنشە جاعدايلار جانە دۇلەي ءزىلزالالاردىڭ قاۋىپ-قاتەرىن ازايتۋ جونىندەگى ورتالىقتى قۇرۋ تۋرالى قازاقستان-قىرعىزستان كەلىسىمىن راتيفيكاتسيالاۋ تۋرالى زاڭ جوباسىن ماقۇلدادى. تاراپتار الماتى قالاسىندا تۇراقتى جۇمىس ىستەيتىن مەملەكەتارالىق ورگان بولىپ تابىلاتىن ورتالىق قۇراتىنىن حالىقارالىق ىستەر, قورعانىس جانە قاۋىپسىزدىك كوميتەتىنىڭ مۇشەسى تۇراربەك اسانوۆ قوسىمشا بايانداماسىندا اتاپ ءوتتى. ورتالىق زاڭدى تۇلعا مارتەبەسىنە يە جانە وسى كەلىسىمگە, ورتالىق تۋرالى ەرەجەگە جانە بولۋ مەملەكەتىنىڭ ۇلتتىق زاڭناماسىنا سايكەس ورتالىقتىڭ ارتىقشىلىقتار مەن يممۋنيتەتتەرىنە زالال كەلتىرمەي ءوز فۋنكتسيالارىن ورىندايدى.
ءماجىلىس, سونداي-اق, 1928 جىلعى 22 قاراشاداعى حالىقارالىق كورمەلەر تۋرالى كونۆەنتسيانى, وعان 1948 جىلعى 10 مامىرداعى, 1966 جىلعى 16 قاراشاداعى, 1972 جىلعى 30 قاراشاداعى حاتتامالاردى جانە وعان 1982 جىلعى 24 ماۋسىمداعى جانە 1988 جىلعى 31 مامىرداعى تۇزەتۋلەردى راتيفيكاتسيالاۋ تۋرالى زاڭ جوباسىن جۇمىسقا الدى. زاڭ جوباسىن قابىلداۋدىڭ وزەكتىلىگى قازاقستان رەسپۋبليكاسىنىڭ اۋماعىندا ەكسپو-2017 حالىقارالىق مامانداندىرىلعان كورمەسىن وتكىزۋگە بايلانىستى ماسەلەلەردى زاڭ جۇزىندە بەكىتۋ قاجەتتىلىگىنە بايلانىستى ەكەندىگىن حالىقارالىق ىستەر, قورعانىس جانە قاۋىپسىزدىك كوميتەتىنىڭ ءتوراعاسى ماۋلەن ءاشىمباەۆ جالپى وتىرىستا اتاپ ءوتتى. زاڭ جوباسىن قابىلداۋدىڭ ماقساتى تەحنيكالىق ءوتىنىم دەرەكناماسىندا, حالىقارالىق كورمەلەر تۋرالى ەرەجەلەرىندە (پاريج ق. 1928 جىلعى 22 قاراشا) جانە (ىستامبۇل ق. 1990 جىلعى 26 ماۋسىم) كورسەتىلگەن قازاقستان رەسپۋبليكاسىنىڭ وزىنە جۇكتەگەن مىندەتتەمەلەردى ورىنداۋى بولىپ تابىلادى.
ءماجىلىس ەۋرازيالىق ەكونوميكالىق قوعامداستىققا مۇشە مەملەكەتتەردىڭ ەكسپورتتىق باقىلاۋىنىڭ بىرىڭعاي ءتارتىبى تۋرالى كەلىسىمىنىڭ كۇشىن جويۋ تۋرالى زاڭ جوباسىن جۇمىسقا الدى. حالىقارالىق ىستەر, قورعانىس جانە قاۋىپسىزدىك كوميتەتىنىڭ توراعاسى ماۋلەن اشىمباەۆ زاڭ جوباسىن ازىرلەۋ قاجەتتىگى بۇگىنگى كۇندە قوسارلانعان ماقساتتاعى تاۋارلاردىڭ جاپپاي قىرىپ-جويۋ قارۋلارىن, جاي قارۋ-جاراق جاساۋ, سونىمەن قاتار, تىكەلەي تەرروريستىك قىزمەت ءۇشىن پايدالانۋ مۇمكىندىگى تۇرعىسىنان قاۋىپ توندىرۋىنە بايلانىستى تۋىندادى. ەۋرازەق كەڭىستىگىندە باقىلاناتىن تاۋارلاردىڭ ەركىن قوزعالۋى قازاقستان رەسپۋبليكاسىنىڭ حالىقارالىق ءمىندەتتەرىن, ونىڭ ىشىندە جاپپاي قىرىپ جوياتىن قارۋدى تاراتپاۋ سالاسىندا حالىقارالىق كونۆەنتسيالار ەرەجەلەرىن, بۇۇ قاۋىپسىزدىك كەڭەسى سانكتسيالارىن جانە حالىقارالىق ەكسپورتتىق باقىلاۋ رەجىمى تالاپتارىن ىسكە اسىرۋ بولىگىندە بۇزۋعا اكەلىپ سوعاتىنى جايىندا تۇسىنىكتەمە بەردى.
ءماجىلىس, سونىمەن قاتار, جالپى وتىرىسىندا الەۋمەتتىك قامسىزداندىرۋ ماسەلەلەرىنە ەنگىزىلەتىن زاڭنامالىق تۇزەتۋلەردى جۇمىسقا الدى. جاڭادان ەنگىزىلەتىن تۇزەتۋلەرگە پالاتانىڭ الەۋمەتتىك-مادەني دامۋ كوميتەتىنىڭ ءتورايىمى داريعا نازارباەۆا تۇسىنىكتەمە بەردى. بۇل جاڭالىقتار مەملەكەت باسشىسىنىڭ وسى جىلدىڭ 14 اقپانىنداعى ۇكىمەتتىڭ كەڭەيتىلگەن وتىرىسىندا جاردەماقىلاردىڭ كولەمىن ۇلعايتۋ تۋرالى جانە ەل پرەزيدەنتىنىڭ جولداۋىن ورىنداۋ تۋرالى تاپسىرمالارى شەڭبەرىندە ازىرلەندى. سونىمەن بىرگە, پالاتا «2014-2016 جىلدارعا ارنالعان رەسپۋبليكالىق بيۋدجەت تۋرالى» جانە «قازاقستان رەسپۋبليكاسى ۇلتتىق قورىنان 2014-2016 جىلدارعا ارنالعان كەپىلدەندىرىلگەن ترانسفەرت تۋرالى» زاڭدارعا تۇزەتۋلەردى جۇمىسقا الدى. ەنگىزىلەتىن جاڭالىقتارعا وراي ءماجىلىستىڭ قارجى جانە بيۋدجەت كوميتەتىنىڭ ءتورايىمى گۇلجان قاراقۇسوۆا تۇسىنىكتەمە بەردى.
اسقار تۇراپباي ۇلى,
«ەگەمەن قازاقستان».