ەاەو ورگاندارىنداعى توراعالىق قىرعىزستان رەسپۋبليكاسىنا ءوتتى, دەپ حابارلايدى Egemen.kz ەۋرازيالىق ەكونوميكالىق كوميسسيانىڭ ءباسپاسوز قىزمەتىنە سىلتەمە جاساپ.
2022 جىلى قىرعىز رەسپۋبليكاسى جوعارى ەۋرازيالىق ەكونوميكالىق كەڭەسكە, ەۋرازيالىق ۇكىمەتارالىق كەڭەسكە جانە ەۋرازيالىق ەكونوميكالىق كوميسسيا كەڭەسىنە توراعالىق ەتەتىن بولادى.
توراعالىق ەتۋ شەڭبەرىندە جوعارى ەۋرازيالىق ەكونوميكالىق كەڭەستىڭ وتىرىسى جانە مامىر ايىندا بىشكەكتە ەۋرازيالىق ەكونوميكالىق فورۋمدى وتكىزۋ, تامىزدا ءداستۇرلى تۇردە ىستىقكول كولىنىڭ جاعالاۋىندا ەۋرازيالىق ۇكىمەتارالىق كەڭەستىڭ وتىرىسى, سونداي-اق باسقا دا ساراپتامالىق ءىس-شارالار جوسپارلانعان.
جاقىن ارادا قىرعىز رەسپۋبليكاسىنىڭ پرەزيدەنتى, جوعارى ەۋرازيالىق ەكونوميكالىق كەڭەستىڭ توراعاسى سادىر جاپاروۆتىڭ قىرعىزستاننىڭ ەاەو ورگاندارىنداعى توراعالىعىنىڭ باسىم باعىتتارىمەن ەۋرازيالىق ەكونوميكالىق وداق مەملەكەتتەرىنىڭ باسشىلارىنا ۇندەۋى كۇتىلۋدە.
ەاەو تۋرالى شارتقا سايكەس جوعارى كەڭەستە, ۇكىمەتارالىق كەڭەستە جانە كوميسسيا كەڭەسىندە توراعالىق ەتۋدى روتاتسيالىق نەگىزدە ورىس ءالىپبيى تارتىبىمەن ءبىر مۇشە مەملەكەت كۇنتىزبەلىك ءبىر جىل ىشىندە ۇزارتۋ قۇقىعىنسىز جۇزەگە اسىرادى.