ءۇندىستاننىڭ دجاممۋ جانە كاشمير ايماعىنداعى عيباداتحانادا بولعان كەپتەلىس سالدارىنان كەم دەگەندە 12 ادام قازا تاپتى, تاعى 13 ادام زارداپ شەكتى. بۇل تۋرالى سەنبى كۇنى ANI اقپارات اگەنتتىگى جازدى, دەپ حابارلايدى Egemen.kz.
ءۇندىستاننىڭ قورعانىس ءمينيسترى رادجناتحا سينگحا تۇسىندىرگەندەي, قايعىلى وقيعا تۇندە ۆايشنو-دەۆي ۇڭگىر حرامىندا ورىن العان. دۇعا ەتۋگە كەلگەندەر اراسىندا جانجال شىعىپ, ونىڭ سالدارىنان كەپتەلىس تۋىنداعان.
اگەنتتىكتىڭ حابارلاۋىنشا, ءۇندىستاننىڭ پرەمەر-ءمينيسترى نارەندرا مودي قازا تاپقانداردىڭ وتباسىنا 200 مىڭ رۋپي (2,7 مىڭ دوللار), زارداپ شەككەندەرگە 50 مىڭ رۋپي (670 دوللار) كولەمىندە وتەماقى بەرىلەتىنىن ايتتى.