قازاقستان تمد-عا توراعالىق ەتتى

2021 جىلعى قاراشادا تاۋەلسىز مەملەكەتتەر دوستاستىعىنىڭ ۇكىمەتتەر باسشىلارى كەڭەسىنىڭ وتىرىسىندا تمد شەڭبەرىندەگى ەكونوميكالىق ءوزارا ءىس-قيمىلدىڭ وزەكتى ماسەلەلەرى تالقىلاندى. وتىرىس قورىتىندىسى بويىنشا اقپاراتتىق-تەلەكوممۋنيكاتسيالىق جەلىلەردە اۆتورلىق قۇقىق جانە ساباقتاس قۇقىقتار وبەكتىلەرىنە قۇقىقتاردى ساقتاۋ جانە قورعاۋ بويىنشا تمد-عا قاتىسۋشى مەملەكەتتەردىڭ ىنتىماقتاستىعى تۋرالى كەلىسىم قابىلداندى. تمد-عا قاتىسۋشى مەملەكەتتەردىڭ يننوۆاتسيالىق ىنتىماقتاستىعىنىڭ 2030 جىلعا دەيىنگى كەزەڭگە ارنالعان مەملەكەتارالىق باعدارلاماسىن ىسكە اسىرۋ جونىندەگى 2021-2025 جىلدارعا ارنالعان كەشەندى ءىس-شارالار جوسپارى, 2022 جىلى تمد-دا حالىق شىعارماشىلىعى جانە مادەني مۇرا جىلىن وتكىزۋ جونىندەگى ءىس-شارالار جوسپارى, 2030 جىلعا دەيىن «1520 كەڭىستىكتە» تەمىرجول كولىگىن ستراتەگيالىق دامىتۋ تۇجىرىمداماسى بەكىتىلدى.

2022 جىلعى مامىردا نۇر-سۇلتان قالاسىندا تاۋەلسىز مەملەكەتتەر دوستاستىعىنىڭ ۇكىمەت باسشىلارى كەڭەسىنىڭ كەلەسى وتىرىسى وتەدى. تمد ەلەكتر ەنەرگەتيكالىق كەڭەسىنىڭ 60-شى وتىرىسى دا 2022 جىلى قازاقستاندا وتەدى.

2021 جىلعى 28 جەلتوقساندا سانكت-پەتەربۋرگتە تمد مەملەكەتتەرى باسشىلارىنىڭ بەيرەسمي كەزدەسۋى بارىسىندا تمد ەلدەرىنىڭ باسشىلارى 2021 جىلعى ءوزارا ءىس-قيمىلدى قورىتىندىلادى, الداعى كەزەڭگە ارنالعان ءوزارا ءتيىمدى ىنتىماقتاستىقتى نىعايتۋ جانە ودان ءارى دامىتۋ جونىندەگى جالپى جوسپارلاردى, سونداي-اق بىرلەسكەن, ونىڭ ىشىندە ەكونوميكالىق جانە مادەني-گۋمانيتارلىق سالالارداعى جوبالاردى ىسكە اسىرۋدى تالقىلادى.