ماسكەۋدىڭ تسسكا كلۋبى جانكۇيەرلەرى قازاقستاندىق فۋتبولشى باقتيەر ءزاينۋتدينوۆتى قاراشا جانە جەلتوقسان ايىنداعى ۇزدىك ويىنشىنىڭ بىرىنە لايىق كوردى.
ساۋالداما قورىتىندىسى بويىنشا تسسكا جانكۇيەرلەرى جوعارىدا اتاپ وتكەن ايلاردا قاقپاشى يگور اكينفەەۆتى (42 پايىز) جەڭىمپاز دەپ تانىدى. قازاقستان قۇراماسىنىڭ جارتىلاي قورعاۋشىسى باقتيەر زاينۋتدينوۆ (41 پايىز) كلۋب جانكۇيەرلەرىنىڭ پىكىرىنشە ەكىنشى ورىنعا لايىقتى دەپ تانىدى. ال ۇزدىك ۇشتىكتى شابۋىلشى انتون زابولوتنىي (13 پايىز) تۇيىندەدى.
ەسكە سالايىق, 23 جاستاعى «تاراز» فۋتبول مەكتەبىنىڭ تۇلەگى رەسەيلىك كوماندا ساپىندا 2020 جىلدان بەرى دوپ تەۋىپ كەلەدى. بيىلعى ماۋسىمدا زاينۋتدينوۆ 14 ماتچتا الاڭعا شىعىپ, ەكى رەت مەرگەندىگىمەن كوزگە ءتۇستى.