تالدىقورعان قالاسىنداعى «جاستار» سپورت سارايىندا ۆولەيبولدان ايەلدەر اراسىنداعى قازاقستان چەمپيوناتىنىڭ ەكىنشى تۋر ويىندارى ءوز مارەسىنە جەتتى.
30-مارتە جالاۋى جەلبىرەگەن ۇلتتىق ليگا ويىندارىندا 9 كوماندا كۇش سىناسۋدا. ولار – «التاي», «جەتىسۋ», «قۋانىش», «الماتى», «قاراعاندى», «التاي-2», «ەرتىس», «ارۋ استانا» جانە «جەتىسۋ-2». ەكىنشى تۋردا ەڭ ۇزدىك ناتيجەگە «قۋانىش» قول جەتكىزدى. پەتروپاۆلوۆسكىلىك ۇجىم بارلىق التى كەزدەسۋدى ءوز پايداسىنا شەشىپ, 18 ۇپاي ولجالادى. ەگەر ولار ءدال وسى قارقىنمەن جالعاستىراتىن بولسا, وندا ولار الداعى ۋاقىتتا ەلىمىزدىڭ ەڭ ۇزدىك كلۋبتارى – وسكەمەننىڭ «التايى» مەن تالدىقورعاننىڭ «جەتىسۋىنا» لايىقتى قارسىلاس اتانۋى ابدەن مۇمكىن. بۇل جولى الماتى وبلىسىنىڭ ارۋلارى 15 ۇپاي ەنشىلەسە, شىعىس قازاقستان وبلىسىنىڭ وكىلدەرى 9 ۇپايدى قاناعات تۇتتى.
ەستەرىڭىزگە سالا كەتەيىك, بۇل تۋردا «التاي» مەن «جەتىسۋ» ءوزارا كەزدەسكەن جوق. كوپشىلىك تاعاتسىزدانا كۇتكەن كەزدەسۋ كەيىنگە شەگەرىلگەن-ءدى.