كاسىپكەرلىك قولداۋ تاپقان جىل

رەسمي دەرەككە سۇيەنسەك, پاندەميا باستالعالى بەرى كەيبىر سالادا بيزنەس سۋبەكتىلەرىنىڭ سانى ازايعان. ماسەلەن, بىلتىر 1 قاڭتاردا كوتەرمە جانە بولشەك ساۋدا سالاسىندا 442,4 مىڭ سۋبەكت بولسا, بيىل 1,4 پايىزعا قىسقارىپ, 436,1 مىڭى قالعان. قارجى, كولىك جانە قويما, جىلجىمايتىن م ۇلىك وپەراتسيالارى سالاسىندا دا كاسىپكەرلەر ازايعان. كەرىسىنشە, اۋىل شارۋاشىلىعى (3,4 پايىز), قۇرىلىس (11,2 پايىز), دەنساۋلىق ساقتاۋ (10,1 پايىز) سەكىلدى سالالاردا كاسىپ اشقاندار كوبەيىپتى.

بيىلعى 1 جەلتوقسانداعى جاعداي بويىنشا جۇمىس ىستەپ تۇرعان شاعىن جانە ورتا بيزنەس سۋبەكتىلەرىنىڭ سانى 1 ملن 424 مىڭدى قۇرادى. ونىڭ ىشىندە ورتا بيزنەستە 2,7 مىڭ (0,2 پايىز), شاعىن كاسىپكەرلىكتە 298 مىڭ (20,9 پا­يىز) سۋبەكت اشىلعان. سونداي-اق 902 مىڭ (63,3 پايىز) جەكە كاسىپكەرلىك قۇرىلعان. 221 مىڭ (15,5 پايىز) اۋىل شارۋاشىلىعىنداعى زاڭدى تۇلعا تىركەلگەن. 2020 جىلعى 1 جەلتوقسانمەن سالىستىرعاندا جۇمىس ىستەپ تۇرعان شاعىن جانە ورتا بيزنەس سۋبەكتىلەرىنىڭ سانى 81 مىڭعا نەمەسە 6,1 پايىزعا كوبەيگەن.

پاندەميا زارداپتارىن ەڭسەرۋ ءۇشىن مەملەكەت بيزنەسكە ايتارلىقتاي قولداۋ كورسەتكەنىن ايتتىق. بۇل رەتتە بيزنەستىڭ قىزمەتىن قالپىنا كەل­تى­رۋ مەملەكەتتىڭ باسىم مىندەتىنە اي­نالعانىن اتاپ وتكەن دۇرىس. 2021 جىلعى قاڭتاردان باستاپ قاناتقاقتى جوبا رەتىندە Ashyq جۇيەسى ىسكە قو­سىل­دى. جوبانىڭ ناتيجەسىندە بيزنەس سۋبەكتىلەرىنىڭ 99 پايىزى قىز­مەتىن قالپىنا كەلتىردى.

سونداي-اق ۇكىمەت «اتامەكەن» ۇلت­تىق كاسىپكەرلىك پالاتاسىمەن بىر­لەسىپ, داعدارىسقا قارسى شارا­لار­دىڭ 3 پاكەتىن ىسكە اسىردى. وعان نەگى­زىنەن سالىق جانە نەسيە شارالارى كىردى. سالىق شارالارى 700 مىڭنان اسا زاڭدى تۇلعا مەن جەكە كاسىپكەردى قامتىدى. پاندەميا ۋاقىتىندا كا­ران­تيندىك شەكتەۋلەردىڭ ەنگىزىلۋىنە بايلانىستى قارجى نارىعىن رەتتەۋ جانە دامىتۋ اگەنتتىگىنىڭ شەشىمىنە سايكەس, 2020 جىلدىڭ 16 ناۋرىزىنان 1 قازانىنا دەيىن توتەنشە جاعدايدى ەنگىزۋ ناتيجەسىندە زارداپ شەككەن شاعىن جانە ورتا بيزنەس سۋبەكتىلەرىنىڭ قارىزدارى بويىنشا نەگىزگى بورىش پەن سىياقى سومالارىن تولەۋ توقتاتىلدى. بۇل مۇمكىندىكتى 5 مىڭ بيزنەس وكىلى ءتيىمدى پايدالاندى. سونىمەن قاتار 2021 جىلدىڭ ءساۋىر جانە شىلدە ايلارى ارالىعىندا ەكونوميكانىڭ زارداپ شەككەن سەكتورلارىنىڭ 547 شاعىن جانە ورتا بيزنەس سۋبەكتىسىنىڭ ەكىنشى دەڭگەيلى بانكتەردەن العان 9,3 ملرد تەڭگە كولەمىندەگى نەسيەسىن تولەۋ مەرزىمى كە­يىنگە قالدىرىلدى.

بۇدان بولەك 2021 جىلى زارداپ شەككەن سالالاردا بيزنەس سۋبەك­تى­لەرىنىڭ نەسيەلەرىن 2021 جىلعى 1 ساۋىردەن 30 ماۋسىمعا دەيىن كەيىنگە قالدىرۋ شاراسى قولدانىلدى. سا­لىق­تىق جانە نەسيەلىك شارالارعا قوسا قوسىمشا جانە سالالىق قولداۋ شارالارى دا قولدانىلعانىن ايتۋ كەرەك. ولاردىڭ نەگىزگىلەرى جالداۋ جانە كوممۋنالدىق تولەمدەر, مەملەكەتتىك ساتىپ الۋلار, 42 500 تەڭگە الەۋمەتتىك تولەمدەردى تولەۋدى قولداۋعا قاتىستى بولدى.

– «بيزنەستىڭ جول كارتاسى-2025» مەملەكەتتىك باعدارلاماسى بويىنشا سالالىق شەكتەۋلەر الىنىپ تاستالدى. نەسيە مولشەرى 7 ملرد تەڭگەگە دەيىن ۇل­عاي­تىلىپ, سۋبسيديالاۋ مەر­­زىمى 5 جىلعا دەيىن ۇزارتىلدى. جاڭا باعىت ىسكە قوسىلدى. بۇل – 6 پا­يىز­­دىق مولشەرلەمەمەن سۋبسيديا­لاۋ ەسەبىنەن نەسيە الۋ ءۇشىن ميكرو جانە شاعىن كاسىپكەرلىكتى ميكرونەسيە­لەۋ. كاسىپكەرلەردىڭ بورىشتىق جۇكتەمەسىن تومەندەتۋ ءۇشىن قايتا قار­جىلاندىرۋعا جاتاتىن نەسيە مەر­­زىمى 4 جىلدان 8 جىلعا دەيىن ۇل­عايتىلدى. پاندەمياعا بايلانىستى ەكونوميكانىڭ زارداپ شەككەن سالالارى ءۇشىن 2020 جىلعى 16 ناۋرىزدان باستاپ 2021 جىلعى

1 شىلدەگە (16 اي) دەيىنگى كەزەڭدە بار­لىق قولدانىستاعى شاعىن جانە ورتا بيزنەس نەسيەلەرى بويىنشا پا­يىز­دىق مولشەرلەمەلەردى جىلدىق 6 پايىزعا دەيىن سۋبسيديالاۋ تەتىگى قولدانىلدى, – دەيدى «اتا­مە­كەن» ۇلتتىق كاسىپكەرلەر پالاتاسى باسقارما توراعاسىنىڭ ءبىرىنشى ورىن­با­سارى ناريمان ابىلشايىقوۆ.

بۇل رەتتە كاسىپكەرلىك سالاسىنىڭ دامۋىنا ادەتتەگىدەي «باستاۋ بيزنەس» جوباسى ايرىقشا اسەر ەتىپتى. بەس جىل ىشىندە جوبا بويىنشا 185 مىڭعا جۋىق قاتىسۋشى وقىعان. ونىڭ 122 مىڭنان استامى نەمەسە 66 پايىزى – جۇمىسسىزدار, 57 مىڭعا جۋىعى نەمەسە 31 پايىزى – ءوزىن ءوزى جۇمىسپەن قامتىعاندار, 5,7 مىڭعا جۋىعى نەمەسە 3 پايىزى – كاسىبىن جاڭا باستاعان كاسىپكەرلەر. وقىتۋ ناتيجەلەرى بويىنشا 59 مىڭنان اسا جوبا ىسكە قوسىلعان. ونىڭ ىشىندە 40 مىڭعا جۋىق ادام نەمەسە 67 پايىزى گرانت الىپ, 19,5 مىڭنان استامى نەمەسە 33 پايىزى جوبالاردى ميكرونەسيەلەر ەسەبىنەن جۇزەگە اسىرعان. 70 مىڭعا جۋىق جۇمىس ورنى قۇرىلىپتى. 1,6 ملرد تەڭگە سالىق تولەنگەن. بيىل وقۋ­دى 33 374 قاتىسۋشى اياقتاعان. وسى جىلى 15 مىڭنان اسا جوبا ىسكە اسى­رىلدى.

«باستاۋ بيزنەس» جوباسى الداعى جىلى دا جالعاسادى. 2022 جىلدىڭ ناۋ­رىز ايىنان باستاپ ءوتىنىم قابىلداۋ باستالۋى كەرەك. كەلەر جىلى دا 30 مىڭعا جۋىق قازاقستاندىقتى وقىتۋ جوس­پارلانعان. جاڭا جىلدان باس­تاپ جوبا «باستاۋ 2.0» جاڭا فورماتىندا ىسكە كىرىسەدى. ۇلتتىق جوباعا سايكەس, 2021-2025 جىلدار ارالىعىندا «باستاۋ بيزنەس» جوباسى شەڭبەرىندە وقۋدان كەيىن جەكە كاسىبىن اشقان كاسىپكەرلەردىڭ ۇلەسىن 35 پايىزدان 60 پايىزعا دەيىن كوتەرۋ كوزدەلگەن.