WBA (Super), WBO, IBF تۇجىرىمدارى بويىنشا اسا اۋىر سالماقتاعى الەم چەمپيونى الەكساندر ۋسيك ۇلىبريتانيالىق ەنتوني دجوشۋانىڭ قارىمتا كەزدەسۋگە قانداي دايىندىقپەن كەلەتىنى تۋرالى ويىمەن ءبولىستى, دەپ حابارلايدى Egemen.kz.
«ەنتوني دجوشۋا مەنى نوكاۋتقا تۇسىرگىسى كەلەتىن شىعار. ول جاعى وزىنە عانا ءمالىم. مەن ونىڭ دايىندىعىنا باس اۋىرتپايمىن. الەكساندر ۋسيك كەز كەلگەن جەكپە-جەككە تاس ءتۇيىن دايىن. ول دايىندىق بارىسىندا بىرقاتار وزگەرىستەر ەنگىزۋى ىقتيمال ما؟ ابدەن مۇمكىن. البەتتە, ول ءبارىن وزگەرتۋگە تىرىسادى. الايدا مەن بارلىق جاعدايعا دايىنمىن», دەدى ۋكراينالىق بوكسشى.