قر ساۋدا جانە ينتەگراتسيا ءمينيسترى باقىت سۇلتانوۆ قازاقستاندىق ساۋدا-ەكونوميكالىق ميسسيانىڭ اۋعانستانعا بارعان دەلەگاتسياسىن باسقاردى, دەپ حابارلايدى Egemen.kz.
قازاقستاننان بارعان ءبىر توپ دەلەگاتسيانىڭ قۇرامىندا ساۋدا جانە ينتەگراتسيا مينيسترلىگى قىزمەتكەرلەرى, ەكسپورتتى ىلگەرىلەتۋ جونىندەگى وپەراتورلار, QazTrade كومپانياسى جانە بىرقاتار وتاندىق ەكسپورتتاۋشى كومپانيانىڭ وكىلدەرى بار.
ساپار بارىسىندا مينيستر اۋعانستاننىڭ پرەمەر-ءمينيسترىنىڭ ورىنباسارى ابدۋللا سالام حانافيمەن, سىرتقى ىستەر ءمينيسترى امير حان مۋتتاكي, سونداي-اق اتالعان ەلدىڭ ساۋدا جانە ونەركاسىپ ءمينيسترى م.ا. نۋريددين ازيزيمەن كەلىسسوزدەر وتكىزدى.
باقىت سۇلتانوۆ ءوز كەزەگىندە اۋعان اكىمشىلىگىنىڭ وكىلدەرىنە قازاقستان بۇۇ-نىڭ اۋعانستانداعى گۋمانيتارلىق داعدارىستى ەڭسەرۋ جونىندەگى كۇش-جىگەرىنە تولىق قولداۋ كورسەتىپ, بەلسەندى قاتىسىپ وتىرعانىن جەتكىزدى.
دۇنيەجۇزىلىك ازىق-ت ۇلىك باعدارلاماسى 20 مىڭ توننا قازاقستاندىق ۇندى ساتىپ الدى. ء«بىزدىڭ ەلىمىز, كوپتەگەن حالىقارالىق ارىپتەستەر سياقتى, اۋعانارالىق قاقتىعىستىڭ بەلسەندى كەزەڭى اياقتالدى جانە ەلدى جانجالدان كەيىنگى كەزەڭدە قالپىنا كەلتىرۋ ۋاقىتى كەلدى دەپ ۇمىتتەنەمىز», دەدى ب. سۇلتانوۆ.