قازاقستاندا مەديتسينالىق كومەكتىڭ قولجەتىمدىلىگىن قامتاماسىز ەتۋ ماقساتىندا 2021 جىلى ەلىمىزدىڭ وڭىرلەرىندە 109 امبۋلاتوريالىق-ەمحانالىق نىساننىڭ قۇرىلىسى باستالدى, دەپ حابارلايدى Egemen.kz.
بۇل تۋرالى دەنساۋلىق ساقتاۋ مينيسترلىگىنىڭ ءباسپاسوز قىزمەتى مالىمدەدى.
جالپى, بۇگىنگى تاڭدا حالىققا مەديتسينالىق قىزمەتتەردى 7 مىڭنان استام امبۋلاتوريالىق-ەمحانالىق ۇيىم كورسەتەدى, ونىڭ ىشىندە مەملەكەتتىك 59%, جەكە مەنشىك - 41%.
جالپى پراكتيكا دارىگەرلەرىنىڭ 12 مىڭنان استام ۋچاسكەسى اشىلدى. قانت ديابەتى, گيپەرتونيا جانە سوزىلمالى جۇرەك جەتكىلىكسىزدىگى بويىنشا اۋرۋلاردى باسقارۋ باعدارلاماسىن ىسكە اسىرۋ جالعاسۋدا.
بۇل باعدارلاماعا ديناميكالىق باقىلاۋداعى پاتسيەنتتەردىڭ 55%-ى قاتىسادى. قازىرگى ۋاقىتتا العاشقى مەديتسينالىق-سانيتارلىق كومەكتى قارجىلاندىرۋ دەنساۋلىق ساقتاۋدى قارجىلاندىرۋدىڭ جالپى كولەمىنىڭ 52,4%-نا دەيىن جەتكىزىلدى. بۇل كورسەتكىش 60%-عا دەيىن جەتكىزىلەدى.
وسىلايشا, قىمبات ستاتسيونارلىق ەمدەۋدەن اۋرۋلاردىڭ الدىن الۋعا كوشۋ جۇزەگە اسىرىلادى.