«تاليبان» ۇيىمىنىڭ جەتەكشىلەرى قاتەلەسىپ, دۋشانبەدەگى اۋعانستان ەلشىلىگىنە 800 مىڭ دوللار اۋدارعان, دەپ حابارلايدى Egemen.kz.
بۇل اقپارات تاراپ كەتكەن سوڭ اۋعانستان ەلىنىڭ توتەنشە جانە وكىلەتتى ەلشىسى مۇحاممەد زاحير اگبار قاراجات ولارعا كەرى قايتارىلمايتىنىن مالىمدەدى.
«تاليبان» ۇيىمىنىڭ 800 مىڭ دوللاردى قايتارۋدى تالاپ ەتۋگە قۇقىعى جوق. ويتكەنى اۋعانستان ەلشىلىگى اۋعانستان يسلام رەسپۋبليكاسىنىڭ رەسمي ديپلوماتيالىق ۆەدومستۆوسى ەكەنى ءمالىم. سوندىقتان ولاردىڭ مۇنداي سۇراقپەن قايىرىلۋعا قۇقىعى جوق. بىزگە ءتۇرلى ورگانداردان قارجى كەلىپ تۇسەدى», دەدى ول ءوز سوزىندە.
سونداي-اق ول ءوز سوزىندە تەرروريستىك ارەكەتى ءۇشىن بۇۇ تاراپىنان سانكتسيا سالىنعان ۇيىمدى الەم ەلدەرى سەكىلدى اۋعانستاننىڭ دا مويىندامايتىنىن اتاپ ءوتتى.