قازاقستان پرەزيدەنتى قاسىم-جومارت توقاەۆ ازەربايجان پرەزيدەنتى يلحام اليەۆپەن تەلەفون ارقىلى سويلەستى, دەپ حابارلايدى Egemen.kz.
مەملەكەت باسشىسى پرەزيدەنت يلحام اليەۆتى 60 جاسقا تولعان مەرەيتويىمەن قۇتتىقتاپ, ونىڭ جاۋاپتى مەملەكەتتىك قىزمەتىنە تابىس, باۋىرلاس ازەربايجان حالقىنا باق-بەرەكە تىلەدى.
قاسىم-جومارت توقاەۆ يلحام اليەۆتىڭ قازاق-ازەربايجان كوپجاقتى ىنتىماقتاستىعىن نىعايتۋعا قوسقان جەكە ۇلەسىن جوعارى باعالاپ, ەكى ەل اراسىنداعى ستراتەگيالىق سەرىكتەستىكتى ودان ءارى دامىتۋدىڭ ماڭىزدى ەكەنىن اتاپ ءوتتى.قاسىم-جومارت توقاەۆ پرەزيدەنت يلحام اليەۆتىڭ ابىرويلى باسشىلىعىمەن ازەربايجاننىڭ الەۋمەتتىك-ەكونوميكالىق دامۋ ىسىندە جانە حالىقارالىق ارەنادا تولاعاي تابىسقا جەتكەنىن ايتتى. پرەزيدەنتتەر كەلەسى جىلى جوعارى دەڭگەيدە كەزدەسۋ وتكىزۋگە ۋاعدالاستى.