قازاقستان سىرتقى ساياسات ۆەدومستۆوسىنىڭ باسشىسى ەرلان ىدىرىسوۆ پەن قحر سىرتقى ىستەر ءمينيسترىنىڭ ورىنباسارى چەن گوپيننىڭ كەزدەسۋى بولىپ ءوتتى, دەپ حابارلادى قر ءسىم-ءىنىڭ ءباسپاسوز قىزمەتى.
كەزدەسۋ بارىسىندا ساياسي, ەكونوميكالىق, ساۋدا, ينۆەستيتسيا, مادەنيەت جانە تۋريزم سالالارىنداعى ەكىجاقتى ىنتىماقتاستىق, سونىمەن قاتار, حالىقارالىق كۇن تارتىبىندەگى وزەكتى ماسەلەلەر, سونىڭ ىشىندە ۋكراينادا ورىن العان جاعدايلار تالقىعا سالىندى.
قازاقستان پرەزيدەنتى ن.نازارباەۆتىڭ 2014 جىلعى مامىرعا جوسپارلانعان قىتايعا مەملەكەتتىك ساپارى, الداعى ءساۋىر ايىندا بواو ازيالىق فورۋمىنىڭ جۇمىسىنا قازاقستاندىق دەلەگاتسيانىڭ قاتىسۋى جانە ەلىمىز سىرتقى ىستەر ءمينيسترى ە.ىدىرىسوۆتىڭ وسى ايدىڭ ەكىنشى جارتىسىندا قحر-عا جوسپارلانعان ساپارى كەلىسسوزدەردىڭ نەگىزگى تاقىرىبىنا اينالدى.
كەزدەسۋ چەن گوپيننىڭ ۋكراينادا ورىن العان جاعدايلار بويىنشا كونسۋلتاتسيالار وتكىزۋ ماقساتىندا شەتەلدەردى ارالاۋ تۋرنەسى اياسىندا ءوتتى. وسىعان دەيىن ول كيەۆ, مينسك جانە ماسكەۋ قالالارىندا بولعان ەدى.