ەجەلدەن كەلە جاتقان اتا داستۇرىمىزدە دە, تاۋەلسىز ەلىمىزدىڭ قوعامدىق ومىرىندە دە اناعا دەگەن قادىر-قۇرمەت, ارينە, ەرەكشە. اڭگىمەمىزدىڭ وزەگىنە اينالىپ وتىرعان بالاجان ابىلقىزى اجەمىز بۇل كۇندەرى توقسان جاستىڭ تورىنە شىعىپ, مەرەيى تاسىپ وتىر.
بالاجان اپا ومىردەگى قيىنشىلىقتى دا, قياناتتى دا, جاقسىلىق پەن جاماندىقتى دا باسىنان وتكەرگەن جانداردىڭ ءبىرى. ول تىلدا جۇمىس ىستەپ ەڭبەك ارداگەرى اتانعان قۇرمەت يەسى. بۇگىندە بەينەتىنىڭ زەينەتىن كورىپ وتىرعان كەيۋانا تاۋەلسىزدىكتىڭ باياندى زامانىنا كۋا بولعانىنا مىڭ دا ءبىر شۇكىرشىلىك ەتەدى.
توقسانداعى جۇرەك تەبىرەنسە, تۋعان ءوڭىردىڭ سىرى دا, جىرى دا كەيىپكەر اپامىزدىڭ ومىرىمەن وزەكتەس ەكەنىنە انىق كوز جەتكىزەمىز. ەندەشە, اجەمىز بىلاي دەپ تولعايدى.
– ءبىز سوزاق ءوڭىرىنىڭ تۋماسىمىز. ءبىزدىڭ جاقتا باباتۇكتى شاشتى ءازىز, ىسقاق باب, قارابۋرا اۋليە, ساڭعىل بيلەردىڭ كيەلى ورىندارى بار, ولار تۋرالى تاريحي ءاپسانالار كوپ ايتىلادى. سىيلاسىپ تۇرمىس قۇرعان وتاعاسىم قۋان مەيىربەك ۇلى شارۋاقور ازامات ەدى. بۇل اۋلەت تە قازان توڭكەرىسىنەن كەيىنگى قاتىگەز زاماننىڭ زاردابىن تارتقان ادامدار. مەيىربەك اتامىز دا بالا وقىتىپ, مولدا بولعان. امال قانشا, ول كىسى دە ارسىز ومىردەن وپىق جەدى. حالىقتى دىنگە ۋاعىزدادى, كەڭەس وكىمەتىنە قارسى شىقتى دەگەن جەلەۋمەن ناقاقتان جالا جابىلىپ, 37-جىلدىڭ ناۋبەتىنە تاپ كەلىپ, مەرت بولىپ كەتتى. ال ونىڭ ۇلى قۋاننىڭ دا باسىنا قارا بۇلت ۇيiرiلەدi. ءسويتiپ, ءجۇرiپ سوعىسقا كەتiپ, ودان جارالى بولىپ ورالدى. وتاۋ قۇرىپ, بالالى-شاعالى بولدى. بىرەۋدىڭ الا جiبiن اتتاماعان وتاعاسىم بالالارىن جەتكiزەم دەپ ءجۇرiپ جەتپiس جاسىندا دۇنيە سالدى, – دەيدى اپامىز وتكەن ءومىرىن ەسكە الىپ.
– مارقۇم ۇنەمi اعىنان جارىلىپ, بالالارىنىڭ تىلەۋىن تىلەپ وتىرۋشى ەدi. ۇل-قىزدارىمىزدى قولدان كەلگەنشە ايالاپ ءوسىرىپ, وقىتىپ, تاربيەلەۋگە كۇش سالدىق. وتاعاسىم دۇنيە سالعان سوڭ, امال جوق ءۇيدiڭ بار اۋىرتپالىعى مەنىڭ يىعىما ءتۇستi. تاعدىردىڭ تاپ كەلگەن تاۋقىمەتiنە تاپجىلماي ءتوزىپ, كەزدەسكەن سىننىڭ ءبارiن جەڭiپ شىعۋعا تۋرا كەلدى. قينالىپ ءجۇرىپ ادال ەڭبەك ەتتىم. بالالارىمنىڭ ءبارىن دە تارىقتىرماي ءوسىردىم. قۇدايعا شۇكىر, ەشقايسىسى دا جامان بولمادى. ءۇمىتىمىزدى اقتادى. سونىڭ ارقاسىندا اللانىڭ بەرگەن جاسىن جاساپ, ەڭبەگىمنىڭ زەينەتىن كورىپ وتىرمىن. بالداي ءتاتتى بالالارىم – ورىنكۇل, سەرىك, بەرىك, بەردىبەك, رايحان, راۋشان, قالدىكۇلدەن 30-شاقتى نەمەرە, 20-دان استام شوبەرە ءسۇيىپ, وركەنىمىز ءوسىپ جاتىر, تاۋبە. اتالارىنىڭ جولىن جالعاستىرىپ, ەل اۋزىنا ىلىگىپ, حالىق سەنىمىن ارقالاپ جۇرگەندەرى دە بارشىلىق. ۇلكەن ۇلىم سەرىك قارجى سالاسىنىڭ قىزمەتكەرى. ودان كەيىنگى ۇلدارىم دا جاۋاپتى قىزمەتتەر اتقارىپ ءجۇر. نەمەرەلەرىم دە ەر جەتىپ ءار سالادا ەڭبەك ەتۋدە. ءۇش بىردەي نەمەرەم انگليادا وقىپ جاتىر.
بالاجان ابىلقىزى سەكسەننىڭ سەڭگىرىنە شىققاندا مۇسىلماندىق پارىزىن وتەپ قاجى اتاندى. وسى قۇتتى ساپارىن اپامىز «يماندىلىق جولىندا وتكەن اتالار رۋحىنىڭ ريزاشىلىعى ءۇشىن دە, بالالارىمنىڭ قولداۋىمەن مەككە-ماديناعا جول تارتتىم. اللا تاعالاعا جالبارىنىپ, بالالارىم مەن ۇرپاقتارىمنىڭ اماندىعىن, ەل-جۇرتىمنىڭ باقۋاتتى بولۋىن تىلەدىم», دەپ تۇيەدى.
ءيا, ەلباسىنىڭ تىكەلەي تاراپىنان جاسالىپ جاتقان قامقورلىقتىڭ ارقاسىندا ءبىزدىڭ مەملەكەتىمىزدە بالاجان اپا ءتارىزدى ءازىز اجەلەر, باقۋاتتى اپالار كوبەيە بەرەتىندىگى ءسوزسىز. ال ءبۇگىنگى كۇنى 90 جاستىڭ تورىنە شات-شادىمان كۇيمەن ورلەگەن توي يەسىن مەرەيلى شاعىمەن شىن جۇرەكتەن قۇتتىقتايمىز. جاساي بەرىڭىز, اپا دەيمىز.
تورتاي قۋانىشباەۆ.