سولتۇستىك كورەيا بيلىگى كحدر-ءدىڭ بۇرىنعى باسشىسى كيم چەن ءيردىڭ قايتىس بولۋىنىڭ ون جىلدىعىنا وراي 11 كۇندىك ازا تۇتۋ كەزىندە تۇرعىندارعا كۇلۋگە, تۋعان كۇندەرىن اتاپ وتۋگە جانە قاتتى جىلاۋعا تىيىم سالدى, دەپ حابارلايدى Egemen.kz Daily Mail باسىلىمىنا سىلتەمە جاساپ.
سونداي-اق, جەرگىلىكتى تۇرعىندار بوس ۋاقىتىندا ساۋدا جاساپ, الكوگول ىشە المايدى.
وتكەن جىلعى ازا تۇتۋ كۇندەرى ماس ادامدار قاماۋعا الىنعان. جەرگىلىكتى تۇرعىنداردىڭ ايتۋىنشا, مۇنداي ادامدار يدەولوگيالىق قىلمىسكەرلەر بولىپ سانالادى.
«ەگەر وتباسىڭىزدىڭ ءبىر مۇشەسى ازا تۇتۋ كەزىندە قايتىس بولسا, سىزگە قاتتى جىلاۋعا رۇقسات ەتىلمەيدى جانە ازا تۇتۋ اياقتالعاننان كەيىن عانا ءمايىتتى جەرلەي الاسىز», دەگەن ويىمەن ءبولىستى جەرگىلىكتى تۇرعىندار.