باتىس قازاقستان وبلىسىندا اۋا رايىنىڭ ناشارلاۋىنا بايلانىستى رەسپۋبليكالىق جول جابىلدى, دەپ حابارلايدى Egemen.kz.
«قازاۆتوجول» اق بقو فيليالىنىڭ مالىمەتى بويىنشا 16 جەلتوقسان كۇنى جەرگىلىكتى ساعات 20.30-دەن باستاپ رەسپۋبليكالىق ماڭىزى بار ورال-اتىراۋ (ورال قالاسىنان اتىراۋ وبلىسىنىڭ شەكاراسىنا دەيىن) جولىندا بارلىق كولىك تۇرلەرى ءۇشىن قوزعالىسقا شەكتەۋ قويىلدى.
جولدىڭ جابىلۋ سەبەبى – جاڭبىر, تۇمان, كوكتايعاق. بقو تج دەپارتامەنتى سونىمەن قاتار 17 جەلتوقسان كۇنى وبلىستىڭ باتىسى مەن سولتۇستىگىندە تۇمان ءتۇسىپ, كوكتايعاق بولاتىنى جونىندە ەسكەرتۋ جاريالانعانىن جەتكىزدى.
قازىرگى كەزدە توتەنشە جاعدايلاردىڭ الدىن الۋ باعىتىندا ءتيىستى ءىس-شارالار جۇرگىزىلىپ جاتىر.