جەمىس-جيدەك, كوكونىس, بالىق پەن تازا سۋدى كۇندەلىكتى استا ءجيى قولدانۋ جۇكتى ايەلدەرگە مەرزىمنەن بۇرىن بوسانۋدىڭ الدىن الۋعا كومەكتەسەدى دەيدى شۆەتسيا, نورۆەگيا مەن يسلانديا عالىمدارى. بۇل تۋرالى ريا «نوۆوستي» حابارلادى.
عالىمداردىڭ ەڭبەگى «British Medical» جۋرنالىندا جارىق كوردى. ولار نورۆەگيادا 2002-2008 جىلدار ارالىعىندا مەرزىمنەن بۇرىن بوسانعان 66 ايەلدىڭ دەرەگىنە زەرتتەۋ جۇرگىزگەن. وندا ايەلدەر وزدەرىنىڭ جۇكتىلىك كەزدەرىندەگى العاشقى 4-5 ايدا قانداي تاعامنان ءدام تاتقانى تۋرالى ايتقان ەكەن.
زەرتتەۋشىلەر مەرزىمنەن بۇرىن بوسانۋدىڭ الدىن الۋعا كومەكتەسەتىن ءۇش ءتۇرلى ديەتا ۇسىنىپ وتىر. ونىڭ ءبىرىنشىسى – «ۇنەمدى». وعان كوپ مولشەردە جەمىس-جيدەك پەن كوكونىس, وسىمدىك مايى, سۋ مەن ءۇي قۇسىنىڭ ەتى كىرەدى. ەكىنشى ديەتانى عالىمدار «باتىستىق» دەپ اتاپ, ونىڭ قۇرامىنا اق نان, جارتىلاي دايىندالعان ونىمدەر مەن ءتاتتى جانە تۇزدى تاعامداردى ەنگىزدى. ال ءۇشىنشى «ءداستۇرلى» ديەتاعا كارتوپ, بالىق, بۇقتىرىلعان كوكونىستەر مەن مايلىلىعى تومەن ءسۇت جاتادى.
ايدار ورىسباەۆ.
دەرەككوز: Ria.ru.
فوتو: Lekariy.ru.