«ارسەلورميتتال تەمىرتاۋ» مەن كاسىپوداقتار جاڭا ۇجىمدىق شارتقا قول قويدى

اتالعان قۇجات جۇمىس بەرۋشى مەن ەڭبەك ۇجىمدارى ارا­سىن­داعى ەڭبەك قاتىناستارىن جانە الەۋمەتتىك-ەكونوميكالىق ما­سە­لەلەردى رەتتەيدى. سونداي-اق قوسىمشا جەڭىلدىكتەر مەن كەپىل­دىك­تەر بەلگىلەيدى, كاسىپورىن­نىڭ ءتيىمدى جۇمىسىن قامتاماسىز ەتۋ ماقساتىندا تاراپتاردىڭ قۇقىقتارى مەن مىندەتتەرىن اجىراتادى. شارت 2022 جىلدىڭ 1 قاڭتارىندا كۇشىنە ەنەدى. 30 قاراشادا ەكىجاقتى كوميسسيا وتى­رىسىندا ۇجىمدىق شارتتىڭ نە­گىزگى مازمۇنى مەن قۇرىلىمى قابىلداندى.

كاسىپوداق ۇيىمدارىنىڭ وكىلدەرىمەن ۇجىمدىق شارت جوباسىن تالقىلاۋ بارىسىندا وعان مىناداي جاڭاشىلدىقتار ەنگىزىلدى: ەڭبەك مىندەتتەرىن ورىنداۋ كەزىندە قازا تاپقان قىزمەتكەردىڭ وتباسىنا پاتەر ساتىپ الۋ; ەر ادامدارعا 3 جاس­قا دەيىنگى بالا كۇتىمى بويىنشا جاردەماقى تولەۋ (ەرەكشە جاعدايلاردا, ەكىجاقتى كوميس­سيا­نىڭ شەشىمى بويىنشا); جۇمىسشى ەرلى-زايىپتىلاردىڭ بىرەۋىن جۇمىستا قالدىرۋ باسىم قۇقىعى (ەرلى-زايىپتىلاردىڭ ەكى جۇمىس ورنى دا قىسقارتۋعا ۇشىراعان جاعدايدا); مەدي­تسي­نا­لىق سكرينينگتەن ءوتۋ ءۇشىن اقىلى دەمالىس بەرۋ (جىلىنا 3 جۇمىس كۇنى); 12 اپتاعا دەيىنگى مەرزىمدە جۇكتىلىك بويىنشا ەسەپكە تۇرۋ ءۇشىن اقىلى دەمالىس بەرۋ (3 جۇمىس كۇنى); توتەنشە جاعداي ء(ورت, سۋ تاسقىنى) بولعان جاعدايدا تۇرعىن ءۇيدى قالپىنا كەلتىرۋگە 1 ملن تەڭگەگە دەيىن پا­يىزسىز نەسيە تولەۋ. بۇدان بولەك, قىزمەت كورسەتۋ ايماعىن كەڭەيتۋ جانە لاۋازىمدىق مىندەتتەردى قوسا اتقارۋ ءۇشىن قوسىمشا اقى (كەيدە ەكى ەسە جانە ودان دا كوپ), «كاسىپورىن ارداگەرى» اتاعى ءۇشىن سىياقى بەرۋ, جەكە مەرەيتويلارعا (50, 55, 60 جاس جانە ت.ب.) وراي قىزمەتكەرلەرگە بەرىلەتىن سىياقى ۇلعايتىلدى.

«ارسەلورميتتال تەمىرتاۋ» اق باس ديرەكتورى: بيجۋ ناير, اتالعان ۇجىمدىق شارت – بۇل كۇندەلىكتى قىزمەتتە باسشىلىققا الىناتىن الەۋمەتتىك ارىپتەستىك بويىنشا نەگىز قالاۋشى قۇجات ەكەنىن ايتتى. ء«بىرىنشى كەزەكتە, جاڭا ۇجىمدىق شارتتىڭ ەرەجەلەرىن تالقىلاۋ كەزىندەگى كونسترۋكتيۆتى ديالوگ ءۇشىن كا­سىپوداق ۇيىمدارىنىڭ وكىل­دە­رىنە شىنايى العىسىمدى بىل­دىرگىم كەلەدى. ءبىز بارلىق ەڭبەك ۇجىمدارىنىڭ, كاسىپوداق ۇيىم­دارىنىڭ تىلەكتەرىن, جەر­گىلىكتى اتقارۋشى بيلىك پەن ورتالىق مەم­لەكەتتىك ورگانداردىڭ ۇسى­نىس­تارىن تىڭداپ, ەسكەرۋگە تى­رىستىق. بۇل قۇجاتتا كومپانيا پەرسونالىن قولداۋ جانە دامىتۋ, سونداي-اق كاسىپورىنداعى ەڭبەك قاۋىپسىزدىگى مەن ەڭبەكتى قورعاۋدى قامتاماسىز ەتۋ ءۇشىن ءبىرىنشى كەزەكتەگى ماڭىزى بار جاعدايلاردىڭ بارلىعى ەس­كە­ر­ىلگەن. ۇجىمدىق شارتتا ال­دا­عى ءۇش جىلعا قولدانىستاعى شارتتىڭ قىزمەتكەرلەر مەن جۇمىس ىستەمەيتىن زەينەتكەرلەر ءۇشىن الەۋمەتتىك كەپىلدىكتەر مەن جەڭىلدىكتەردىڭ بارلىق سپەكترى ساقتالعان. سونداي-اق وعان قىزمەتكەرلەردىڭ الەۋمەتتىك قامسىزداندىرىلۋىن جاقسارتۋعا ءتيىس قاعيداتتى جاڭا ەرەجەلەر ەنگىزىلدى. ءبىزدىڭ مىندەتىمىز – ءاربىر قىزمەتكەردىڭ الەۋەتىن اشۋعا, ونىڭ بىلىكتىلىگىن دامىتۋعا, كومپانيا الدىندا تۇرعان ءوندىرىستى جاڭعىرتۋ جونىندەگى اۋقىمدى مىندەتتەردى شەشۋگە بارىنشا ۇلەس قوسۋعا مۇمكىندىك بەرەتىن جاعدايلار جاساۋ», دەدى ب.ناير.

سونىمەن قاتار «ارسە­لور­ميت­تال تەمىرتاۋ» اق اتقارۋشى ديرەكتورى الىشەر ابەنوۆ كومپانيا قىزمەتكەرلەردى الەۋمەتتىك-ەكونوميكالىق قام­­تا­ماسىز ەتۋدى ارتتىرۋ بو­يىن­شا پراكتيكالىق شارالاردى بەلسەندى قابىلداپ جاتق­ا­نىن اتاپ ءوتتى.

– الداعى جىلى تا­ريف­تىك مولشەرلەمەلەر مەن قىز­­مەتاقىلاردى ودان ءارى ۇل­عاي­تۋدى كوزدەيتىن ەڭ­بەكاقىنى ين­­دەكستەۋدىڭ تۇبە­گەيلى جاڭا جۇ­يەسى قول­دانىلا باستايدى. وتكەن اپتادا ۇجىمدىق شارتقا قاتىسۋشى بارلىق قىزمەتكەرگە 2021 جىل­دىڭ قو­رىتىندىسى بو­يىنشا ون­دىرىستىك ەكونوميكالىق كور­سەتكىشتەر جوسپارىن ورىن­داۋىنا قاراماستان, 100% مول­شەر­دە سىيقاقى (13 ەڭبەك­اقى) تولەندى. سونداي-اق جۇمىس­شى­لار­دىڭ الەۋمەتتىك-تۇرمىس­تىق جاعدايلارىن جاقسارتۋ جانە قاۋىپسىز ەڭبەك جاعدايلارىن قام­تا­ما­سىز ەتۋ بويىنشا كە­شەن­دى جۇمىستار جالعاسۋدا, – دەدى ول.