قازاقستان رەسپۋبليكاسى پرەمەر-ءمينيسترىنىڭ ءبىرىنشى ورىنباسارى ءاليحان سمايىلوۆ الەۋمەتتىك ماڭىزى بار ازىق-ت ۇلىك تاۋارلارىنىڭ باعاسىن رەتتەۋ ماسەلەلەرى بويىنشا كەڭەس وتكىزدى, دەپ حابارلايدى Egemen.kz.
وتكەن اپتادا باعانىڭ ءوسۋى ەلىمىزدىڭ ءۇش وبلىسىندا – نۇر-سۇلتان قالاسى, باتىس قازاقستان جانە قىزىلوردا وبلىستارىندا تىركەلدى.
ەڭ كوپ ءوسىم تۇركىستان وبلىسىندا جانە الماتى قالاسىندا بايقالدى.
اتاپ ايتقاندا, قىرىققابات 0,7%-عا, قاراقۇمىق جارماسى, ايران 0,4%-عا, ءسۇت, تۇز 0,3%-عا قىمباتتادى.
قازاقستان رەسپۋبليكاسى پرەمەر-ءمينيسترىنىڭ ءبىرىنشى ورىنباسارى ءا. سمايىلوۆ الداعى مەرەكە كۇندەرىن ەسكەرە وتىرىپ, باعانى قاداعالاۋ, تۇراقتاندىرۋ قورلارىن قالىپتاستىرۋ جانە ساۋدا جەلىلەرىمەن جۇمىس جاساۋدى كۇشەيتۋدى اكىمدىكتەرگە قاتاڭ تاپسىردى.
قر اۋىل شارۋاشىلىعى مينيسترلىگى ىشكى نارىقتا تاپشىلىقتىڭ الدىن الۋ جانە باعانى تۇراقتاندىرۋ ماقساتىندا مال مەن كوكونىس ەكسپورتىنا شەكتەۋ قويۋ جۇمىستارىن جۇرگىزۋدە. اۋىل شارۋاشىلىعى مينيسترلىگى شەكتەۋلەر كۇشىنە ەنگەنگە دەيىن ىشكى نارىقتاعى جاعدايدى كۇندەلىكتى باقىلاپ, تالداۋ جۇرگىزەدى.
«وڭىرلەر باعانى بەلگىلەۋ جانە دەلدالدىق تىزبەكتەردى تالداۋ بويىنشا وڭىرلىك كوميسسيالاردىڭ جۇمىسىن بەلسەندى جۇرگىزۋ جانە ءامات باعاسىنىڭ تۇراقتىلىعىن قامتاماسىز ەتۋى قاجەت», دەدى ءا. سمايىلوۆ.
مونوپولياعا قارسى ورگاننىڭ اقپاراتىنا سايكەس, جىل باسىنان بەرى وندىرۋشىلەر مەن كوتەرمە جەتكىزۋشىلەرگە قاتىستى 111 ەسكەرتۋ جىبەرىلىپ, 16 تەكسەرۋ تاعايىندالدى, بۇزۋشىلىقتاردى جويۋ تۋرالى 20 ۇيعارىم, 11 ەسكەرتۋ, وندىرۋشىلەر, كوتەرمە جەتكىزۋشىلەر جانە بولشەك ساۋدا جەلىلەرىمەن 186 مونوپولياعا قارسى زاڭنامانى ساقتاۋ اكتىسى قابىلداندى.
ساۋدا ۇستەمەاقىسىنىڭ 15%-دان اسۋى بويىنشا 75 جاعداي تىركەلدى.