مەملەكەت باسشىسى نۇرسۇلتان نازارباەۆ سىرتقى ىستەر ءمينيسترى ەرلان ىدىرىسوۆتى قابىلدادى, دەپ حابارلادى پرەزيدەنتتىڭ ءباسپاسوز قىزمەتى.
اڭگىمەلەسۋ بارىسىندا ەلدىڭ الداعى كەزەڭدەگى سىرتقى ساياسي باسىمدىقتارى جانە حالىقارالىق كۇن تارتىبىندەگى وزەكتى ماسەلەلەر تالقىلاندى.
– ۋكرايناداعى جاعداي ەلدەردىڭ تمد اياسىنداعى ءوزارا قارىم-قاتىناستارىنا تىكەلەي اسەر ەتەدى جانە كەدەن وداعى مەملەكەتتەرىنە جاناما قاتىسى بار. مەن ەڭ تاياۋ ۋاقىتتا بايسالدى پىكىر الماسىپ, قازىرگى جاعدايداعى قاۋىپتى ۇدەرىستەردىڭ بەلەڭ الۋىنا جول بەرمەۋ جونىندەگى شارالاردى تالقىلايتىن كەزدەسۋ وتكىزۋ تۋرالى ۇسىنىس ەنگىزدىم, – دەدى قازاقستان پرەزيدەنتى.
كەزدەسۋ قورىتىندىسىندا مەملەكەت باسشىسى قارالعان ماسەلەلەرگە قاتىستى بىرقاتار ناقتى تاپسىرمالار بەردى.
سۋرەتتى تۇسىرگەندەر
س.بوندارەنكو, ب.وتارباەۆ.