قازاقستان رەسپۋبليكاسىنىڭ پرەزيدەنتى جانىنداعى كادر ساياساتى جونىندەگى ۇلتتىق كوميسسيانىڭ وتىرىسى ءوتتى, دەپ حابارلادى پرەزيدەنتتىڭ ءباسپاسوز قىزمەتى.
اقوردادا پرەزيدەنت اكىمشىلىگىنىڭ باسشىسى كارىم ءماسىموۆتىڭ توراعالىعىمەن وتكەن ۇلتتىق كوميسسيا وتىرىسىندا «ا» كورپۋسىنىڭ كادر رەزەرۆىنە ىرىكتەۋ تەتىكتەرىن جەتىلدىرۋ ماسەلەلەرى قارالدى.
مەملەكەت باسشىسىنىڭ تاپسىرماسى بويىنشا «ا» كورپۋسىنىڭ لاۋازىمدارىنا قويىلاتىن بىلىكتىلىك تالاپتارى قايتا قارالدى, تەست تاپسىرمالارى لاۋازىمدارعا بايلانىستى ديففەرەنتسيالاندى.
قازىرگى ۋاقىتتا قوسىمشا قاجەتتىلىكتىڭ بار ەكەندىگىن ەسكەرە وتىرىپ, ۇلتتىق كوميسسيا «ا» كورپۋسىنىڭ رەزەرۆىنە تاعى 100 ادامدى ىرىكتەۋدەن وتكىزۋ جونىندە شەشىم قابىلدادى.
ىرىكتەۋ تۋرالى ءتيىستى حابارلاندىرۋ كەلەسى اپتادا بۇقارالىق اقپارات قۇرالدارىندا جاريالانادى.