پرەمەر-مينيستر سەرىك احمەتوۆ يندۋستريالاندىرۋ جوسپارلارىنا سايكەس «بيزنەستىڭ جول كارتاسى-2020» باعدارلاماسىن جانداندىرۋ قاجەت دەپ سانايدى. وسىعان وراي ول كەشە اتالمىش باعدارلامانىڭ جۇزەگە اسىرىلۋ بارىسى قارالعان ۇكىمەت وتىرىسىندا وڭىرلىك دامۋ مينيسترلىگىنە تاپسىرما بەردى.
ۇكىمەت وتىرىسىندا باعدارلامانىڭ بۇگىنگى جاي-جاپسارىن وڭىرلىك دامۋ ءمينيسترى بولات جامىشەۆ بايانداعان بولاتىن. ءمينيستردىڭ مالىمەتتەرىنە سۇيەنسەك, 2010 جىلدان 2013 جىلعا دەيىن «بيزنەستىڭ جول كارتاسىن» ورىنداۋعا رەسپۋبليكالىق بيۋدجەتتەن 132,1 ملرد. تەڭگە بولىنسە, ونىڭ 53,3 ملرد. تەڭگەسى 2013 جىلعا قاراستىرىلعان بولاتىن.
«بۇگىنگى كۇنگە باعدارلاما شەڭبەرىندە 77 763 كاسىپكەر قولداۋدىڭ بارلىق تۇرلەرىمەن قامتىلعان. ناتيجەسىندە 229 مىڭنان استام جۇمىس ورنى قۇرىلىپ, قولداۋعا يە بولدى. قازىر ەكونوميكاداعى ءاربىر بەسىنشى جاڭا جۇمىس ورنى باعدارلاما شەڭبەرىندە قۇرىلعان», دەپ اتاپ ءوتتى ب.جامىشەۆ.
دينارا بىتىكوۆا,
«ەگەمەن قازاقستان».
مينيستر «بيزنەستىڭ جول كارتاسى» كاسىپكەرلىكتى قولداۋدىڭ ەڭ سۇرانىسقا يە باعدارلاماسىنا اينالعانىن باسا ايتتى. ب.جامىشەۆ, سونىمەن قاتار, باعدارلاما بارىسىندا كاسىپكەرلەر سۋبسيديالاۋ جانە ەكىنشى دەڭگەيلى بانك نەسيەلەرى بويىنشا كەپىلدەندىرۋ تۇرىندە, جاڭا بيزنەس يدەيالارعا گرانتتار الۋ, ينفراقۇرىلىمدار ءجۇرگىزۋگە, سونداي-اق, شەتەلدەردە وقۋ مەن تاجىريبەدەن ءوتۋگە, سەرۆيستىك قولداۋ مەن مامانداندىرىلعان كونسالتينگ بويىنشا قولداۋدىڭ اۋقىمدى قۇرالدارىن الۋ مۇمكىندىگىنە يە بولعاندىعىن جەتكىزدى. بۇدان باسقا, مينيستر باعدارلامانىڭ وسى جىلعى ورىندالۋى تۋرالى باياندادى.
وڭىرلىك دامۋ مينيسترلىگى كۇشىن «بيزنەستىڭ جول كارتاسىن» قولداۋ قۇرالدارى بويىنشا اقپاراتتىق-ءتۇسىندىرۋ جۇمىستارىن جانداندىرۋعا شوعىرلاندىرادى, سونداي-اق, بارلىق اۋدان ورتالىقتارى مەن شاعىن قالالاردا كاسىپكەرلىكتى قولداۋ ورتالىقتارىن اشۋ جوسپارلانۋدا. مۇنىمەن قاتار, «دامۋ» قورىمەن بىرگە اوك-ءتى يندۋستريالىق ايماقتار جانە بيزنەس-ينكۋباتورلار قۇرۋ مەن دامىتۋ بويىنشا وپەراتورلار رەتىندە تارتۋ ويلاستىرىلۋدا ەكەن. ب.جامىشەۆ, سونىمەن قاتار, «بيزنەستىڭ جول كارتاسى-2020» مەملەكەتتىك باعدارلاماسىنا كاسىپكەرلەردى بەلسەندى تۇردە تارتۋدى ۇسىندى.
«جالپى, جەر-جەرلەردەگى باعدارلامانى ءتيىمدى جۇزەگە اسىرۋ اكىمدىكتەردىڭ ارەكەتىنە بايلانىستى. سوندىقتان, ءبىز اكىمدىكتەرگە كاسىپكەرلىك الەۋەتى بار تۇلعالاردى جانە شاعىن بيزنەس سۋبەكتىلەرىن باعدارلاماعا بەلسەندى تۇردە تارتۋ بويىنشا جۇمىس جۇرگىزۋدى ۇسىنامىز, ءبىرىنشى كەزەكتە مەملەكەتتىك قولداۋ كورسەتىلمەگەن كاسىپكەرلەردى قارجىلاي قولداۋ كورسەتۋ شارالارىمەن قامتۋ قاجەت», دەدى مينيستر.سونداي-اق, مينيستر جەرگىلىكتى اتقارۋشى ورگانداردىڭ باسشىلىعىنا نەسيەلەردى سۋبسيديالاۋدان بولەك بجك باسقا قۇرالدارى بويىنشا جۇمىستى جانداندىرۋ قاجەتتىگىن العا تارتتى.
وتىرىستا بىرقاتار وبلىس اكىمدەرى, «دامۋ» قورى باسقارما ءتورايىمى ءلاززات يبراگيموۆا, ۇلتتىق كاسىپكەرلەر پالاتاسى توراعاسىنىڭ ورىنباسارى گۇلنار قۇربانباەۆا سويلەدى.
تالقىلاۋدى تۇيىندەي كەلە, پرەمەر-مينيستر باعدارلامانىڭ ورىندالۋى جامان ەمەستىگىن جانە جۇمىستىڭ دۇرىس باعىتتا ءوربىپ جاتقانىن اتاپ ءوتتى. سونىمەن بىرگە, س.احمەتوۆ ءوڭىرلىك دامۋ مينيسترلىگىنە باعدارلامانى ورىنداۋ ساپاسىن جاقسارتۋ بويىنشا جۇمىستاردى جالعاستىرۋدى تاپسىردى.
«بيزنەستىڭ جول كارتاسى-2020» باعدارلاماسىنىڭ بارلىق الەۋەتىن پايدالانۋ قاجەت. بۇل باعدارلاما 100 پايىز يگەرىلۋى ءتيىس», دەدى پرەمەر-مينيستر. مۇنىمەن قاتار, ۇكىمەت باسشىسى وڭىرلىك دامۋ مينيسترلىگىنە دامۋدىڭ ۇدەمەلى يندۋستريالىق-يننوۆاتسيالىق مەملەكەتتىك باعدارلاماسىنىڭ ەكىنشى بەسجىلدىعىن قالىپتاستىرۋدى ەسەپكە الىپ, باعدارلامانى ودان ءارى جەتىلدىرۋ, ماڭىزىن ارتتىرۋ بويىنشا ۇسىنىس دايىنداۋ جونىندە نۇسقاۋ بەردى.
پرەمەر-مينيستر, سونداي-اق, وكىلەتتى ورگاندارعا بىرقاتار باسقا دا تاپسىرمالار بەرىپ, ولاردىڭ ورىندالۋ مەرزىمدەرىن بەلگىلەدى.