اقتوبە وبلىسىندا ءبىر تاۋلىكتە 5 پاتەر توناعان كۇدىكتىلەر ۇستالدى. كورشىلەس قوستاناي وبلىسىنان كەلگەن 37-38 جاس شاماسىنداعى 3 جىگىت 5 پاتەردەگى التىن بۇيىمداردى, باعالى كيىمدەردى, تۇرمىستىق تەحنيكالاردى جانە اقشانى قولدى ەتكەن. ولار پاتەر يەلەرىنىڭ ۇيدە جوقتىعىن پايدالانىپ, ەسىكتى بۇزىپ ويىنداعىلارىن ىسكە اسىرىپتى. جالپى, جىل باسىنان بەرى وسى قالادا 100-دەن اسا پاتەر توناۋ دەرەگى تىركەلىپ, 4 قىلمىستىق توپ قولعا تۇسكەن. ارالارىندا الماتىدان پاتەردەگى م ۇلىكتى ارنايى توناۋعا كەلگەندەرى دە بار. قازىر وسى قىلمىستىق توپ مۇشەلەرى تەرگەۋ وقشاۋلاعىشىندا وتىر.
اقتوبە قالالىق ىشكى ىستەر ءبولىمى باسشىسىنىڭ ورىنباسارى ارمان داۋلەتوۆتىڭ ايتۋىنشا, 5 پاتەر مۇلكىن قولدى ەتكەن كۇدىكتىلەر دە قاماۋعا الىنعان. قازىر ولار تۋرالى وزگە وڭىرلەردە دە تەكسەرۋ ءىسى جۇرگىزىلۋدە.
دانيار تۇيمەباي.