وزبەكستاننىڭ دەناۋ قالاسىنداعى «يندەنيم» ساۋدا كەشەنىندە جارىلىس بولدى, دەپ حابارلايدى Egemen.kz.
بۇل تۋرالى ينفورمبيۋرو سايتى جازادى.
جارىلىس تۇنگى ساعات 3.57-دە بولعان. عيماراتتىڭ قابىرعاسى قۇلاپ, ورتەنگەن.
«عيماراتتا بولعان توعىز ادام جاراقات الىپ, اۋرۋحاناعا جەتكىزىلدى. ىزدەستىرۋ-قۇتقارۋ جۇمىستارى كەزىندە قيراندىلار استىنان ەكى ادامنىڭ ءمايىتى تابىلدى», دەلىنگەن تجد حابارلاماسىندا.
قازىرگى كۇنى جارىلىس سەبەپتەرىن انىقتاۋعا ارنالعان كوميسسيا قۇرىلىپ, جۇمىس ىستەپ جاتىر.