بەلگىلى پروموۋتەر ەددي حيرن IBF جانە IBO تۇجىرىمدارى بويىنشا ورتا سالماقتاعى الەم چەمپيونى گەننادي گولوۆكيننىڭ ريوتا مۋراتادان گورى WBO تۇجىرىمى بويىنشا الەم چەمپيونى, امەريكالىق دەمەتريۋس اندرادەمەن كەزدەسكەنىن قالايدى, دەپ حابارلايدى Egemen.kz.
«تۋراسىن ايتساق, گەننادي گولوۆكين ءوز-وزىنە باستىق ادام. سوندىقتان دا جاپونيالىق ريوتا مۋراتامەن شارشى الاڭدا كەزدەسۋ تۋرالى شەشىم قابىلدادى. ارينە, مەن ونى تۇسىنەمىن. مۋراتامەن جەكپە-جەك مۇمكىن بولماعان جاعدايدا مەن گەنانىڭ دەمەتريۋس اندرادەمەن كەزدەسكەنىن قالار ەدىم. الايدا اقش-تا تانىمال بوكسشى بولعان سوڭ سوڭعى شەشىمدى گەنانىڭ ءوزى قابىلدايدى. مەن ونىڭ: «اقىرى مۋراتامەن جەكپە-جەك كەيىنگە شەگەرىلدى. مەن ەندى اندرادەمەن شايقاسقا شىعامىن» دەگەن مالىمدەمەسىن ەستىگىم كەلەدى», دەيدى ەددي.