ەكولوگتار بابيلە قورىعىنداعى پىلدەر سانىنىڭ كۇرت ازايۋىن 2006-2017 جىلدارى ونىڭ اۋماعىنداعى زاڭسىز قونىستار سانىنىڭ ءۇش ەسە وسۋىمەن بايلانىستىرادى. بۇل تۋرالى سەيسەنبى كۇنى وكسفورد ۋنيۆەرسيتەتىنىڭ ( ۇلىبريتانيا) ءباسپاسوز قىزمەتى Oryx جۋرنالىنداعى ماقالاعا سىلتەمە جاساپ حابارلادى, دەپ جازادى Egemen.kz.
«بابيلە قورىعىندا جاعداي قيىن. قازىر ونىڭ اۋماعىندا 250 ءپىل بار. ەگەر ادامنىڭ ولاردىڭ مەكەندەۋ ورتاسىنا ەنۋىنە بايلانىستى پروبلەمالار جاقىن ارادا شەشىلمەسە, قورىق اۋماعىندا بىردە-ءبىر ءپىل قالمايدى», دەگەن وكسفورد ۋنيۆەرسيتەتىنىڭ زەرتتەۋشىسى ەميلي ءنيلدىڭ سوزدەرىن كەلتىرگەن ۋنيۆەرسيتەتتىڭ ءباسپاسوز قىزمەتى.
افريكا پىلدەرى (Loxodonta africana) سوڭعى 75 جىلدا التى-جەتى ەسە ازايدى. ايتا كەتسەك, 1989 جىلى جابايى فاۋنا مەن فلورا تۇرلەرىنىڭ حالىقارالىق ساۋداسى تۋرالى كونۆەنتسياعا (CITES) قاتىسۋشى ەلدەر براكونەرلەرگە قارسى كۇرەس باستادى.
وسى عاسىردىڭ باسىندا بۇل شارالار پىلدەردىڭ پوپۋلياتسياسىن تۇراقتاندىردى, بىراق سوڭعى جىلدارى ازيادا ءپىل سۇيەگىنە سۇرانىستىڭ ارتۋىنا بايلانىستى ولاردىڭ سانى قايتادان كۇرت ازايا باستادى.