قازاقستانداعى فرانتسيا ەلشىلىگىنىڭ جانىنداعى فرانتسۋز رەسپۋبليكاسىنىڭ اسكەري اتتاشەسى, پولكوۆنيك جان-فيليپپ تاردە قورعانىس مينيسترلىگىنىڭ بىتىمگەرلەردى دايارلاۋ ورتالىعىنا بارىپ قايتتى, دەپ حابارلايدى Egemen.kz.
ساپار ەكىجاقتى ىنتىماقتاستىقتى ودان ءارى نىعايتۋ ماسەلەلەرىن تالقىلاۋعا نەگىزدەلدى. فرانتسيا قارۋلى كۇشتەرىنىڭ وكىلىن فرانتسۋز اليانسى ۇيىمداستىرعان بىتىمگەرلەرگە ارنالعان فرانتسۋز ءتىلىن وقىتۋدىڭ قارقىندى كۋرسىن وتكىزۋ بارىسىمەن تانىستىرۋ ءۇشىن ۇيىمداستىرىلدى.
پولكوۆنيك جان-فيليپپ تاردە تىڭداۋشىلارمەن اڭگىمەلەستى. ول ەل وفيتسەرلەرىنىڭ وسىنداي قىسقا ۋاقىت ىشىندە قول جەتكىزگەن ماشىقتارىنىڭ دەڭگەيى جوعارى ەكەنىن اتاپ ءوتتى.
ايتا كەتسەك, بىتىمگەرلەردى دايىنداۋ ورتالىعىندا 20 قىركۇيەك پەن 7 جەلتوقسان ارالىعىندا فرانتسۋز ءتىلىن ۇيرەنۋدىڭ باستاپقى كۋرسى قارقىندى ءوتىپ جاتىر. قورىتىندى ەمتيحاندى ءساتتى تاپسىرعاندارعا حالىقارالىق سەرتيفيكاتتار بەرىلەدى.
كۋرس تىڭداۋشىسى – بىتىمگەرلىك جانە تىلدىك دايارلىقتى تالداۋ جانە باقىلاۋ باسقارماسىنىڭ باستىعى پولكوۆنيك رۋسلان مەيىرمانوۆ پولكوۆنيك تاردەگە وقۋدى ۇيىمداستىرۋعا قوسقان جەكە ۇلەسى ءۇشىن العىس ءبىلدىردى. ول بىتىمگەرلەر ءۇشىن فرانتسۋز ءتىلىن ۇيرەنۋدىڭ ماڭىزى ارتىپ كەلە جاتقانىن اتاپ ءوتتى. ويتكەنى ەكىنشى رەسمي ءتىل فرانتسۋز ءتىلى بولىپ سانالاتىن ەلدەردە بۇۇ-نىڭ بىرقاتار بىتىمگەرشىلىك ميسسيالارى اتقارىلادى. ولار: ورتالىق افريكا رەسپۋبليكاسى, مالي, كونگو دەموكراتيالىق رەسپۋبليكاسى جانە باسقالار.