قۇتقارۋشىلار كۋزباسس قالاسىنداعى شاحتادان تاعى ءبىر كەنشىنىڭ ءمايىتىن انىقتادى. وسىلايشا, ونداعى جارىلىستان قازا بولعاندار سانى 11 ادامعا جەتتى. بۇل تۋرالى كەمەروۆو وبلىسىنىڭ گۋبەرناتورى سەرگەي تسيۆيلەۆتىڭ Telegram-داعى رەسمي ارناسىندا مالىمدەدى, دەپ حابارلايدى Egemen.kz.
«جاڭا عانا قازا تاپقان تاعى ءبىر ادام تۋرالى بەلگىلى بولدى. مەرت بولعاندار سانى 11 ادامعا جەتىپ وتىر», دەلىنگەن حابارلامادا.
ۇكىمەتتىڭ رەسمي سايتىنان حابارلانعانداي, شاحتادان بارلىعى 46 ادام, سونىڭ ىشىندە قازا بولعان 11 ادام شىعا الماعان, قۇتقارۋ وپەراتسياسى جالعاسىپ جاتىر.
اۋرۋحانالاردا وندىرىستىك اپاتتان زارداپ شەككەن 43 ادام جاتىر, ولاردىڭ تورتەۋىنىڭ جاعدايى وتە اۋىر, 39 ادام جەڭىل جانە ورتاشا اۋىر حالدە. شۇعىل قىزمەتتەردەگى دەرەككوز مالىمەتىنشە, بارلىعى 46 كەنشى زارداپ شەككەن.
رف باس پروكۋراتۋراسىنىڭ سايتىندا قاداعالاۋشى ۆەدومستۆونىڭ شاحتاداعى توتەنشە وقيعانى باقىلاۋعا العانى حابارلاندى.