ايەل ءوزىنىڭ تۋعان بالاسىن جامبىل وبلىسىنداعى بوتەن ادامداردىڭ ۇيىنە قالدىرىپ كەتكەن, دەپ حابارلايدى Egemen.kz Polisia.kz-كە سىلتەمە جاساپ.
«رەيد بارىسىندا جامبىل وبلىسىنىڭ پوليتسيا قىزمەتكەرلەرى 22 جاستاعى جەرگىلىكتى تۇرعىندى ۇستادى, ول 2018 جىلى بالا تۋىپ, ونى تانىمايتىن ادامدارعا زاڭسىز بەرە سالعان. اتالعان فاكتى بويىنشا قر قك 135-بابى 1-بولىگى «كامەلەتكە تولماعاندار ساۋداسى» بويىنشا سوتقا دەيىنگى تەرگەۋ باستالدى. ۇستالعان ازاماتشا كىناسىن مويىندادى», دەدى پوليتسيادان.
ايتا كەتسەك, جامبىل وبلىسىندا «Stop-ترافيك» جەدەل الدىن الۋ ءىس-شاراسى وتكىزىلۋدە.
«Stop-ترافيك» جەدەل الدىن الۋ ءىس-شاراسىن وتكىزۋ ادام ساۋداسى, باس بوستاندىعىنان زاڭسىز ايىرۋ فاكتىلەرىنىڭ الدىن الۋعا جانە انىقتاۋعا باعىتتالعان. پروفيلاكتيكالىق ءىس-شارا جالعاسۋدا.