قر اقپارات جانە قوعامدىق دامۋ مينيسترلىگىنىڭ قولداۋىمەن «قازاقستان» تەلەراديوكورپوراتسياسى تاۋەلسىزدىكتىڭ 30 جىلدىعىنا وراي وسى جىلدار ىشىندە ەل دامۋىنا وراسان زور ۇلەس قوسقان قازاقستاندىقتار اراسىندا «30 جىل 30 ەسىم» ۇلتتىق بايقاۋىن جاريالادى, دەپ حابارلايدى Egemen.kz مينيسترلىكتىڭ ءباسپاسوز قىزمەتىنە سىلتەمە جاساپ.
تەلەۆيزيالىق جۇلدە سوڭعى 30 جىلدا ءار سالادا جەتىستىككە جەتكەن بىرەگەي تۇلعالارعا تابىستالادى. ءار اتالىم بويىنشا 5 ۇمىتكەر ساراپشىلاردان قۇرالعان ارنايى كوميسسيا شەشىمىمەن ىرىكتەلىپ, داۋىس بەرۋگە شىعارىلدى. تەلەراديوكورپوراتسيانىڭ رەسمي سايتىنداعى جالپىحالىقتىق داۋىس بەرۋ 30 قاراشاعا دەيىن جالعاسادى.
بايقاۋ:
- مەديتسينا جانە دەنساۋلىق ساقتاۋ سالاسىنا قوسقان ۇلەسى ءۇشىن;
- قوعامدىق بەلسەندىلىگى ءۇشىن;
- مادەنيەت سالاسىنا سىڭىرگەن ەڭبەگى ءۇشىن;
- كينو سالاسىنا قوسقان ۇلەسى ءۇشىن;
- سپورت سالاسىنداعى جەتىستىكتەرى ءۇشىن;
- عىلىمنىڭ دامۋىنا قوسقان ۇلەسى ءۇشىن;
- ءبىلىم سالاسىنىڭ دامۋىنا قوسقان ۇلەسى ءۇشىن;
- اۋىل شارۋاشىلىعى جانە اگرووندىرىس سالاسىنا قوسقان ۇلەسى ءۇشىن;
- ءداستۇرلى ونەردىڭ دامۋىنا قوسقان ۇلەسى ءۇشىن;
- «ادەبيەت» اتالىمدارى بويىنشا وتەدى. ۇلتتىق جۇلدەگە ۇمىتكەرلەر اراسىندا قوعام قايراتكەرى اسىلى وسمان, مەديتسينا عىلىمدارىنىڭ دوكتورى, اكادەميك سەرىك اقشولاقوۆ, ءانشى ديماش قۇدايبەرگەن, كينو رەجيسسەرى اقان ساتاەۆ, كاسىپقوي بوكسشى, بەيجىڭ وليمپياداسىنىڭ قولا جۇلدەگەرى قانات يسلام, قازاقستاننىڭ ەڭبەك ەرى, ءبىلىم بەرۋ ءىسىنىڭ ۇزدىگى اياگۇل ميرازوۆا, اقىن, مەملەكەتتىك سىيلىقتىڭ لاۋرەاتى ۇلىقبەك ەسداۋلەت بار.
داۋىس سانى ارقىلى قازاقستاندىقتاردىڭ كەڭ قولداۋىنا يە بولعان جەڭىمپازدار 16 جەلتوقسان تاۋەلسىزدىك كۇنىندە وتەتىن ارنايى كەشتە ماراپاتتالادى. ۇمىتكەرلەرگە داۋىستى وسى سىلتەمەگە كىرۋ ارقىلى بەرۋگە بولادى: https://vote.kaztrk.kz/