قازاقستاندا جاڭا تۋريستىك باعىتتار ىسكە قوسىلادى. ول ءۇشىن ارنايى ءموبيلدى قوسىمشا جاساپ شىعارىلدى, دەپ حابارلايدى Egemen.kz ەلىمىزدەگى يۋنەسكو كلۋبتارى قاۋىمداستىعىنىڭ حاتشىلىعىنا سىلتەمە جاساپ.
حابارلامادا ايتىلعانداي, «بىزبەن بىرگە قازاقستاندى اش!» اتتى ۇرانمەن وتاندىق ءتۋريزمدى دامىتۋ مەن مادەني مۇرانى ساقتاۋعا باعىتتالعان جاستار جوباسى قولعا الىنعان.
«جاستار مەن مادەني مۇرا» اتاۋىن العان جوباعا ەلىمىز بويىنشا 178 توپ قاتىسىپ, سونىڭ ىشىنەن ۇزدىك دەپ تانىلعان 12 جەڭىمپاز توپ ماراپاتتالعان. ۇيىمداستىرۋشىلاردىڭ مالىمەتىنشە, ءار توپتىڭ قۇرامىندا 3 ادامنان تۇردى جانە ولار جوبا اياسىندا 5 كۇندىك ءبىلىم بەرۋ باعدارلاماسىن مەڭگەردى. جاس بىلىمپازدارعا تۋريزم سالاسى بويىنشا ساراپشىلار, ەكسكۋرسيا جۇرگىزۋشىلەرى مەن تۋريستىك بلوگەرلەر ءدارىس وقىدى.
سونداي-اق توپ مۇشەلەرى وتاندىق ءتۋريزمنىڭ نەگىزىمەن تانىسىپ, تۋريستىك مارشرۋتتار مەن كارتالاردى قۇراستىرىپ ۇيرەندى.
ء«بىلىم بەرۋ باعدارلاماسى اياقتالعاننان كەيىن توپ مۇشەلەرى تاجىريبەلىك تاپسىرمالاردى ورىنداۋعا كوشتى. اتاپ ايتقاندا, تۋعان جەرىندە تۋريستىك مارشرۋتتاردى دايىنداۋعا كىرىستى. قاتىسۋشىلار وزدەرىنىڭ يننوۆاتسيالىق جانە شىعارماشىلىق يدەيالارىن پايدالانۋ ارقىلى ەلىمىزدىڭ مادەني جانە تابيعي مۇراسىن ساقتاۋ جانە ناسيحاتتاۋعا باعىتتالعان تۇراقتى ءتۋريزمنىڭ دامۋىنا اكەلەتىن تۋريستىك مارشرۋتتار قۇرۋى كەرەك ەدى. مۇنداعى ماقسات - جاستاردىڭ جوباعا قاتىسۋ بەلسەندىلىگىن ارتتىرىپ, تۋعان جەردىڭ سۇلۋلىعىن پاش ەتۋگە ىنتالاندىرۋ», دەلىنگەن حابارلامادا.
سونداي-اق وسى وسى ايدىڭ سوڭىندا جوبا قاتىسۋشىلارى ازىرلەنگەن تۋريستىك مارشرۋتتار بويىنشا ارنايى ءموبيلدى قوسىمشانىڭ ىسكە قوسىلاتىنى حابارلاندى.
«بۇل ءموبيلدى قوسىمشا جەرگىلىكتى جانە شەتەلدىك تۋريستەرگە قازاقستاننىڭ قالالارى مەن اۋداندارىن تاني تۇسۋگە كومەكتەسەدى. قوسىمشانىڭ باستى ايىرماشىلىعى – كەز كەلگەن ادام ارنايى گيدسىز دايىندالعان مارشرۋتتار بويىنشا تاماشالاي الادى. سونداي-اق جەرگىلىكتى تۇرعىنمەن سەرۋەندەگى كەلسە, وسى مارشرۋتتاردىڭ اۆتورلارىنا حابارلاسىپ, كومەگىنە سۇيەنۋگە بولادى», دەپ حابارلايدى اۆتورلار.