يتاليانىڭ قارجى گۆاردياسى زاڭسىز كوشى-قون, جەزوكشەلىكپەن اينالىسقان نيگەريالىق قىلمىستىق توپتىڭ قۇرامىنا كىرەتىن 40 ادامدى قاماۋعا الدى, دەپ حابارلايدى Egemen.kz.
ءىرى وپەراتسياعا كالياري قالاسىنداعى قارجى گۆاردياسى باسقارماسىنىڭ 600-گە جۋىق قىزمەتكەرى قاتىسقان. حابارلانعانداي, قاماۋعا الۋ جانە ءتىنتۋ يتاليانىڭ بىرنەشە ايماعىندا وتكىزىلگەن.
«اقشانى جىمقىرۋمەن, زاڭسىز كوشى-قونعا جاردەمدەسۋمەن, ادام ساۋداسىمەن, قۇلدىقپەن جانە ادامداردى جەزوكشەلىك ماقساتتا پايدالانۋمەن اينالىساتىن نيگەريالىق قىلمىستىق ۇيىم جويىلدى», دەلىنگەن قارجى گۆاردياسى تاراتقان حابارلامادا.
تۇتقىندالعان ادامداردان بولەك, تەرگەۋدە «كەڭ جەلىنىڭ» كوپتەگەن قاتىسۋشىلارى بار. ولار حالىقارالىق دەڭگەيدە جەكە باس بوستاندىعىنا قارسى قىلمىستاردىڭ ىسكە اسۋىنا سەپتەسكەن. بۇل ايىپتاۋ كەزىندە جازانى اۋىرلاتاتىن فاكتورعا اينالادى.
وپەراتسيانىڭ ءمانى تۋرالى ريمدەگى ارنايى ءباسپاسوز ءماسليحاتىندا ەگجەي-تەگجەي ايتىلماق. وعان ۇيىمداسقان قىلمىس جانە تەرروريزم ىستەرى جونىندەگى ۇلتتىق پروكۋرور فەدەريكو كافيەرو دە راو قاتىسپاق.