وسى جىلدىڭ تامىز ايىندا ەل بيلىگىنە كەلگەن «تاليبان» قوزعالىسى ەلدەگى بىرقاتار تەلەباعدارلاماعا, سونىڭ ىشىندە ايەلدەر قاتىساتىن تەلەونىمدەردى كورسەتۋگە تىيىم سالدى, دەپ جازادى Egemen.kz.
«ريا ءنوۆوستيدىڭ» جازۋىنشا, اۋعانستانداعى بارلىق تەلەارنالار ءوز باعدارلامالارىنىڭ شاريعات پەن مورالدىق نورمالارعا قايشى كەلمەۋىن, ويىن-ساۋىق باعدارلامالارىنىڭ ءدىني تۇرعىدا دۇرىس بولۋىن, جۋرناليست ايەلدەردىڭ ورامال تاعىپ ءجۇرۋىن باقىلاۋى كەرەك.
«ايەلدەر قاتىساتىن تەلەحيكايالاردى كورسەتۋگە تىيىم سالىنادى. سونداي-اق ەرلەر نەمەسە ايەلدەر جارتىلاي جالاڭاش كەيىپتە كورىنەتىن فيلمدەر مەن كليپتەردى كورسەتۋگە تىيىم سالىنادى», دەلىنگەن ەلدىڭ اقپارات سالاسىنا جاۋاپتى مينيسترلىگى تاراتقان حابارلامادا.
بۇعان دەيىن اۋعانستاننىڭ جاڭا بيلىگى تەلەراديو جۇمىسىنا وزگەرىستەر ەنگىزىپ ۇلگەرگەن بولاتىن. ول وزگەرىسكە ساي اۋعانستان پارلامەنتى ەلدەگى باستى تەلەراديوكومپانيانىڭ اتاۋىن ء«ال-حيدجرا» دەپ وزگەرتىپ, وندا تەك يسلامدىق تاقىرىپتاردى قامتيتىن باعدارلامالاردى كورسەتە باستاعان.