كاسىپقوي بوكسشى جانىبەك ءالىمحان ۇلىنىڭ (10-0, 6كو) بۇرىنعى الەم چەمپيونىنا قارسى ايقاسى قازاقستاندىقتار ءۇشىن تىكەلەي ەفيردەن كورسەتىلەدى, دەپ حابارلايدى Egemen.kz ۆكونتاكتە الەۋمەتتىك جەلىسىندەگى «قازاقستاننىڭ كاسىپقوي بوكسى» پاراقشاسىنا سىلتەمە جاساپ.
ورتا سالماقتاعى Qazaq style نۇر-سۇلتان ۋاقىتىمەن 21 قاراشا كۇنى تاڭەرتەڭ لاس-ۆەگاستا (اقش, نەۆادا شتاتى) Mandalay Bay Resort & Casino ارەناسىنداعى بوكس كەشى اياسىندا رينگكە شىعادى.
جەڭىلىپ كورمەگەن وتاندىق بوكسشىنىڭ قارسىلاسى WBA Regular, WBO Interim جانە WBC Silver نۇسقالارى بويىنشا بۇرىنعى الەم چەمپيونى فرانتسۋز حاسسان ندام نجيكام (38-5, 21كو) بولادى. جەكپە-جەك «Qazsport» تەلەارناسىنان تىكەلەي ەفيردەن كورسەتىلەدى. ەفير ساعات 07:00-دە باستالادى.
شوۋداعى باستى وقيعا - تەرەنس كروۋفورد (37-0, 28كو) پەن شون پورتەر (31-3-1, 17كو) ايقاسى بولماق.