قازاقستان رەسپۋبليكاسىنىڭ پرەزيدەنتى قاسىم-جومارت توقاەۆ اۋىل اكىمدەرىن تىكەلەي سايلاۋدى ەنگىزۋدىڭ تيىمدىلىگىنە باعا بەردى, دەپ حابارلايدى Egemen.kz.
«ينكليۋزيۆتى قوعامدى ودان ءارى قۇرۋ ءۇشىن مەن پارتيالاردىڭ سايلاۋ تىزىمدەرىندەگى كۆوتا ساناتتارىنىڭ تىزبەسىن ەرەكشە قاجەتتىلىكتەرى بار ادامداردى قوسۋ ءۇشىن كەڭەيتۋدى ۇسىندىم», دەدى قاسىم-جومارت توقاەۆ ۇلتتىق قوعامدىق سەنىم كەڭەسىنىڭ وتىرىسىندا.
مەملەكەت باسشىسى اتاپ وتكەندەي, اۋداندىق ماڭىزى بار قالالاردىڭ, اۋىلداردىڭ, كەنتتەردىڭ جانە اۋىلدىق وكرۋگتەردىڭ اكىمدەرىن تىكەلەي سايلاۋدىڭ ەنگىزىلۋى قوعامدى دەموكراتيالاندىرۋ جولىنداعى ۇلكەن قادام بولدى.
«بيىل ەلىمىزدە 800-دەن استام اۋىل اكىمى سايلاندى. وسى سايلاۋ ناتيجەسىندە ءتىزىم ەكى ەسەگە جاڭارتىلدى. پارتيالاردىڭ بەلسەندىلىگى, ءوزىن-ءوزى ۇسىنعان كانديداتتاردىڭ كوپتىگى جانە سايلاۋشىلاردىڭ جوعارى بەلسەندىلىگى بۇل رەفورمانىڭ ۋاقىتىلىعى مەن وزەكتىلىگىن كورسەتتى», دەپ تۇيىندەدى ءسوزىن مەملەكەت باسشىسى.