قىتايدىڭ «گۋانچا» جاڭالىقتار پورتالىنىڭ وقىرماندارى اقش ۋكرايناعا 80 توننا وق-ءدارى جەتكىزگەنى تۋرالى حاباردى ء«بىرتۇرلى» قابىلدادى, دەپ حابارلايدى Egemen.kz.
پورتال وقىرماندارى ۆاشينگتوننىڭ مۇنداي قولداۋى كيەۆكە تەك زيانىن تيگىزەدى دەگەن پىكىردە.
«اقش-تىڭ كومەگىنىڭ ەكى ءتۇرى بار: بىرەۋى — ادام ءولتىرۋ, ەكىنشىسى — ءوزىن-ءوزى ولتىرۋگە كومەكتەسۋ», دەپ جازدى وقىرمانداردىڭ ءبىرى. «ۋكراينا ءوز-وزىنە قول جۇمساۋ جولىنا ءتۇسىپ جاتىر», دەدى الدىڭعى ازاماتتىڭ پىكىرىن قوستاعان تاعى ءبىر سايت قولدانۋشىسى.
گۋانچتىڭ كەيبىر وقىرماندارى اقش «وتقا ماي قۇيىپ وتىر» دەپ سانايدى.
«ەكى تاراپ اراسىنداعى ۇرىستى باقىلاپ وتىرعان «جاقسى ادام» بىرەۋىنە اس ءۇي پىشاعىن بەردى», دەدى تاعى ءبىر وقىرمان. «امەريكا قۇراما شتاتتارى وتقا ماي قۇيىپ جاتىر. 80 توننا وق-ءدارى جىبەرىلدى. بىراق ماسەلە مىنادا, بۇل مولشەردەگى كومەك ءتىپتى شاعىن تاكتيكالىق وپەراتسيالاردى جۇزەگە اسىرۋعا جەتپەيدى», دەپ جازدى تاعى ءبىر بەلسەندى. «سەكسەن توننا وق-ءدارى رەسەيگە قارسى العاشقى اتىس ءۇشىن عانا جەتەدى. اقش تاراپى ۋكراينانى مازاق ەتىپ وتىر», دەپ تۇيىندەدى وقىرمانداردىڭ ءبىرى ءوز پىكىرىن.
كوپتەگەن پايدالانۋشىلار بۇعان دەيىن ۋكراينادا قۋاتتى اسكەري-ونەركاسىپتىك كەشەن بولعانىنا نازار اۋداردى. بىراق قازىر ەلدىڭ شەت مەملەكەتتەردەن كومەك كۇتىپ وتىرعانىنا تاڭدانىس ءبىلدىردى.
تامىز ايىنىڭ سوڭىندا پەنتاگون باسشىسى للويد وستين پرەزيدەنت دجو بايدەن كيەۆكە 60 ميلليون دوللار سوماسىنداعى جاڭا اسكەري كومەك پاكەتىن ماقۇلداعانىن ايتقان بولاتىن. ونىڭ ىشىندە «Javelin» ءپورتاتيۆتى تانككە قارسى زىمىران كەشەندەرىن جەتكىزۋ قاجەتتىگىن تاپسىرعانىن دا جەتكىزدى وستين. 2014 جىلدان باستاپ ۆاشينگتون بۇل ماقساتتارعا ەكى جارىم ميللياردتان استام دوللار ءبولىپتى-مىس.