2013 جىلعى 9 جەلتوقسان استانا قالاسى
ورمان, بالىق جانە اڭ اۋلاۋ شارۋاشىلىعى مەملەكەتتىك مەكەمەلەرى, قازىنالىق كاسىپورىندارى ازاماتتىق قىزمەتشىلەرىنە ەڭبەك جاعدايى ءۇشىن ۇستەمەاقىلار بەلگىلەۋ قاعيدالارىن بەكىتۋ تۋرالى
«قازاقستان رەسپۋبليكاسى قورشاعان ورتانى قورعاۋ مينيسترلىگىنىڭ ماسەلەلەرى» قازاقستان رەسپۋبليكاسى ۇكىمەتىنىڭ 2013 جىلعى 25 اقپانداعى № 172 قاۋلىسىنىڭ (قازاقستان رەسپۋبليكاسىنىڭ ءپۇاج-ى, 2013 ج., № 17, 302-قۇجات) 16-تارماعىنىڭ 155) تارماقشاسىنا جانە «ازاماتتىق قىزمەتشىلەرگە, مەملەكەتتىك بيۋدجەت قاراجاتى ەسەبىنەن ۇستالاتىن ۇيىمداردىڭ قىزمەتكەرلەرىنە, قازىنالىق كاسىپورىنداردىڭ قىزمەتكەرلەرىنە ەڭبەكاقى تولەۋ جۇيەسى تۋرالى» قازاقستان رەسپۋبليكاسى ۇكىمەتىنىڭ 2007 جىلعى 29 جەلتوقسانداعى № 1400 قاۋلىسىنىڭ (قازاقستان رەسپۋبليكاسىنىڭ ءپۇاج-ى, 2007 ج., № 51, 648-قۇجات) 16-قوسىمشاسى 1 تارماعىنا سايكەس, بۇيىرامىن:
1. قوسا بەرىلىپ وتىرعان ورمان, بالىق جانە اڭ اۋلاۋ شارۋاشىلىعى مەملەكەتتىك مەكەمەلەرى, قازىنالىق كاسىپورىندارى ازاماتتىق قىزمەتشىلەرىنە ەڭبەك جاعدايى ءۇشىن ۇستەمەاقىلار بەلگىلەۋ قاعيدالارى بەكىتىلسىن.
2. قازاقستان رەسپۋبليكاسى قورشاعان ورتا جانە سۋ رەسۋرستارى مينيسترلىگى ورمان جانە اڭشىلىق شارۋاشىلىعى كوميتەتى (ب. و. ازباەۆ) زاڭنامادا بەلگىلەنگەن تارتىپپەن وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن جانە ونىڭ بۇقارالىق اقپارات قۇرالدارىندا رەسمي جاريالانۋىن قامتاماسىز ەتسىن.
3. وسى بۇيرىقتىڭ ورىندالۋىنا باقىلاۋ جاساۋ قازاقستان رەسپۋبليكاسى قورشاعان ورتا جانە سۋ رەسۋرستارى ۆيتسە-ءمينيسترىنىڭ مىندەتىن اتقارۋشى ە. ن. نىسانباەۆقا جۇكتەلسىن.
4. وسى بۇيرىق العاش رەسمي جاريالانعان كۇننەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
ءمينيستردىڭ مىندەتىن اتقارۋشى ە.نىسانباەۆ.
قازاقستان رەسپۋبليكاسى قورشاعان ورتا جانە سۋ رەسۋرستارى ءمينيسترىنىڭ 2013 جىلعى 9 جەلتوقسانداعى № 375-ءو بۇيرىعىمەن بەكىتىلگەن
ورمان, بالىق جانە اڭ اۋلاۋ شارۋاشىلىعى مەملەكەتتىك مەكەمەلەرى, قازىنالىق كاسىپورىندارى ازاماتتىق قىزمەتشىلەرىنىڭ ەڭبەك جاعدايى ءۇشىن ۇستەمەاقىلار بەلگىلەۋ قاعيدالارى
1. وسى ورمان, بالىق جانە اڭشىلىق شارۋاشىلىعى مەملەكەتتىك مەكەمەلەرى, قازىنالىق كاسىپورىندارى ازاماتتىق قىزمەتشىلەرىنە ەڭبەك جاعدايى ءۇشىن ۇستەمەاقىلار بەلگىلەۋ قاعيدالارى (بۇدان ءارى – قاعيدالار) «ازاماتتىق قىزمەتشىلەرگە, مەملەكەتتىك بيۋدجەت قاراجاتى ەسەبىنەن ۇستالاتىن ۇيىمداردىڭ قىزمەتكەرلەرىنە, قازىنالىق كاسىپورىنداردىڭ قىزمەتكەرلەرىنە ەڭبەكاقى تولەۋ جۇيەسى تۋرالى» قازاقستان رەسپۋبليكاسى ۇكىمەتىنىڭ 2007 جىلعى 29 جەلتوقسانداعى № 1400 قاۋلىسىنا (بۇدان ءارى – قاۋلى) سايكەس ازىرلەنگەن.
2. قاعيدالار ورمان, بالىق جانە اڭشىلىق شارۋاشىلىعى مەملەكەتتىك مەكەمەلەرىنىڭ, قازىنالىق كاسىپورىندارىنىڭ ازاماتتىق قىزمەتشىلەرىنە (بۇدان ءارى – ۇيىمدار) ۇستەمەاقىلار بەلگىلەۋ كەزىندە قولدانىلادى.
3. قاعيدالا ۇيىمداردىڭ ازاماتتىق قىزمەتشىلەرىن الەۋمەتتىك قورعاۋدى كۇشەيتۋ جانە قىزمەتىن ىنتالاندىرۋ ماقساتىندا مەملەكەتتىك مەكەمەلەردى, قازىنالىق كاسىپورىنداردى دامىتۋعا باعىتتالعان جۇمىس ءۇشىن, پراكتيكادا وزىق ادىستەردى قولدانعانى ءۇشىن, جۇمىستاعى جوعارى جەتىستىكتەرى, اسا ماڭىزدى نەمەسە شۇعىل جۇمىستاردى ورىنداعانى ءۇشىن, ەڭبەكتەگى كۇردەلىلىك جانە قاۋىرتتىلىق ءۇشىن ۇستەمەاقىلار (بۇدان ءارى – ۇستەمەاقى) تولەۋ ءتارتىبىن ايقىندايدى.
4. ۇستەمەاقى ۇيىمداردىڭ جوعارى بىلىكتى ماماندارى مەن جۇمىسشىلارىن تارتۋ جانە بەكىتۋ ماقساتىندا قاۋلىعا 16-قوسىمشادا بەلگىلەنگەننەن اسپايتىن مولشەردە لاۋازىمدىق جالاقىلارعا بەلگىلەنەدى.
5. ۇستەمەاقىلار الۋعا قۇقىعى بار جۇمىسشىلار ساناتتارىنا تابيعي رەسۋرستاردى قورعاۋ, مولىقتىرۋ, كۇزەتۋ جانە پايدالانۋ جۇمىستارىمەن تىكەلەي اينالىساتىن قىزمەتكەرلەر, سونداي-اق قاۋلىمەن بەكىتىلگەن ازاماتتىق قىزمەتشىلەر لاۋازىمدارىنىڭ تىزىلىمىنە سايكەس ۇيىمداردىڭ وزگە دە ازاماتتىق قىزمەتشىلەرى جاتادى.
سالالىق كەلىسىممەن, ۇجىمدىق شارتپەن جانە (نەمەسە) جۇمىس بەرۋشىنىڭ ۇيىم باسشىسىمەن جاساعان اكتىسىمەن ايقىندالعان ەڭبەك جاعدايلارى ءۇشىن ۇستەمەاقىلاردىڭ ناقتى مولشەرلەرىن ەسكەرە وتىرىپ, ۇستەمەاقىلار الاتىن ۇيىم قىزمەتكەرلەرى لاۋازىمدارىنىڭ تىزبەسى بەلگىلەنەدى.
6. ۇيىم قىزمەتكەرىندە تارتىپتىك جازا بولعان جاعدايدا ۇستەمەاقى تولەنبەيدى.
7. ۇستەمەاقىلار بەلگىلەۋ ءتيىستى قارجى جىلىنا ۇيىمنىڭ بەكىتىلگەن ەڭبەكاقى تولەۋ قورىنىڭ ەسەبىنەن جانە سونىڭ شەگىندە جۇزەگە اسىرىلادى.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2013 جىلعى 26 جەلتوقساندا نورماتيۆتىك قۇقىقتىق كەلىسىمدەردى مەملەكەتتىك تىركەۋدىڭ تىزىلىمىنە №9028 بولىپ ەنگىزىلدى