جاڭا وقۋ جىلى باستالعاننان بەرى اقتوبە وبلىسىندا 800 بالادان كوروناۆيرۋس ينفەكتسياسى انىقتالدى. قازىرگى كەزدە وڭىردە 15 سىنىپ كارانتيندە, دەپ حابارلايدى Egemen.kz.
اقتوبە وبلىسى بويىنشا ءبىر تاۋلىكتە 20 ادامنان كوروناۆيرۋس ينفەكتسياسى انىقتالدى. ونىڭ كوبى دەرتتىڭ سيمپتومدى تۇرىنە شالدىققان. قازىرگى كەزدە بارلىعى 154 ادام ەم قابىلداپ جاتىر. ونىڭ 21-ءى جانساقتاۋ بولىمىندە.
«كوروناۆيرۋس ينفەكتسياسىنا شالدىققان ناۋقاستاردىڭ تورتەۋى وكپەنى جاساندى جەلدەتۋ اپپاراتىنا قوسىلعان. بالالار تۋرالى ايتار بولسام, 36 بالا دارىگەرلەردىڭ باقىلاۋىندا. سونىمەن بىرگە 14 جۇكتى ايەل ۆيرۋس جۇقتىرعان. قازىرگى كەزدە جاعداي تۇراقتى. ينفەكتسيالىق توسەك-ورىن جۇكتەمەسى 42,2%, ال جانساقتاۋ بولىمىندەگى جۇكتەمە 38,2 % قۇراپ وتىر», دەدى وبلىستىق دەنساۋلىق ساقتاۋ باسقارماسى باسشىسىنىڭ ورىنباسارى بەكبولات ءىزباساروۆ.
اقتوبەدە ءالى دە 8 مىڭنان استام ادام ءۇي كارانتينىندە.
«1 قىركۇيەكتەن باستاپ بۇگىنگە دەيىن مەكتەپكە دەيىنگى مەكەمەلەردە تاربيەلەنەتىن 53 بالادان ۆيرۋس انىقتالدى. بۇگىندە بارلىعى 4 توپ كارانتينىندە. ال 1 قىركۇيەكتەن باستاپ 800 وقۋشىنىڭ بويىنان ۆيرۋس تابىلدى. قازىرگى كەزدە 15 سىنىپ كارانتينگە جىبەرىلدى», دەدى وبلىستىق سانيتاريالىق-ەپيدەميولوگيالىق باقىلاۋ دەپارتامەنتى باسشىسىنىڭ مىندەتىن اتقارۋشى گۇلبانۋ داۋلەتوۆا.