مۇحيتتىڭ ارعى بەتىندە جالعان اقپارات تاراتۋشىلاردىڭ قاراسى سيرەيتىن ەمەس. اقش-تا ءۇش بىردەي جوعارى وقۋ ورنىنىڭ ستۋدەنتتەرى شۇعىل ەۆاكۋاتسيالاندى, دەپ حابارلايدى Egemen.kz.
وڭتۇستىك كاليفورنيا, نيۋ-يورك ۋنيۆەرسيتەتى جانە ماسساچۋسەتس تەحنولوگيالىق ينستيتۋتىنىڭ ستۋدەنتتەرى بۇگىن شۇعىل تۇردە ەۆاكۋاتسيالاندى.
وقيعا ورنىنا پوليتسيا قىزمەتكەرلەرى كەلدى. ولار عيماراتتاردى تەكسەرىپ, ۋنيۆەرسيتەت اۋماعىندا جارىلعىش زاتتىڭ جوق ەكەنىن انىقتاپ, تۇسكەن حابارلامانى جالعان دەپ تانىدى. قازىر ءبىلىم وردالارى قالىپتى جاعدايدا جۇمىس ىستەۋدە.
امەريكالىق تەلەارنالاردىڭ حابارلاۋىنشا, سوڭعى اپتادا بىرنەشە ۋنيۆەرسيتەتتىڭ قىزمەتكەرلەرى مەن ستۋدەنتتەرى جەدەل كوشىرىلگەن. «جارىلعىش زات بار» دەگەن حابارلامانىڭ بارلىعى جالعان بولىپ شىققان. «حاباردى تاراتقاندار جازاسىز قالمايدى», دەيدى جاۋاپتىلار.