گەرمانيادا «سولتۇستىك اعىن – 2» گاز قۇبىرىن ىسكە قوسۋ قاجەتتىلىگى تۋرالى ايتىلدى. بۇل پىكىردى گەرمانيانىڭ بۋندەستاگ دەپۋتاتى, ەكونوميكا جانە ەنەرگەتيكا كوميتەتىنىڭ بۇرىنعى باسشىسى كلاۋس ەرنست جەتكىزدى, دەپ حابارلايدى Egemen.kz.
ونىڭ ايتۋىنشا, گەرمانياعا قولايلى باعامەن گاز قاجەت, ال نەمىس تۇتىنۋشىلارى قۇبىردى ىسكە قوسۋ قاجەتتىلىگىن سەزىنگەن.
«سولتۇستىك اعىن – 2» گاز قۇبىرىنىڭ جۇمىستارى ءدال قازىر اياقتالدى. بۇل – ۇلكەن جەتىستىك. ەندى گەرمانياعا قاجەت گازدى قولايلى باعامەن جەتكىزە الاتىن ءسات تۋدى», - دەدى ەرنست.
دەپۋتاتتىڭ ايتۋىنشا, قالعان نۇسقالار, اسىرەسە اقش-تان تاسىمالداناتىن گاز قىمباتقا تۇسەدى.
«مەنىڭ ويىمشا, نەمىس گاز تۇتىنۋشىلارى جانە ەۋروپانى جەتكىلىكتى گازبەن قامتاماسىز ەتۋ ءۇشىن بۇگىندە قۇبىر جەلىسىن ىسكە قوسۋ قاجەتتىلىگى تۋىنداپ وتىر», دەپ تۇيىندەدى ول ءوز ويىن.
بۇعان دەيىن ەرنست رەسەيدىڭ «سەۆەرنىي پوتوك – 2» گاز قۇبىرىن سەرتيفيكاتتاۋداعى ۋكراينا مەن پولشانىڭ ءرولىن باعالادى. ەرنستتىڭ ايتۋىنشا, ۋكراينا «سولتۇستىك اعىن – 2» سەرتيفيكاتسياسىنا قاتىسپاۋى كەرەك. ەلدىڭ جالعىز مىندەتى — گاز تولەمدەرىن تولەۋ دەپ ەسەپتەيدى پارلامەنت مۇشەسى.
8 قاراشا كۇنى «گازپروم» دەپارتامەنتى باستىعىنىڭ ورىنباسارى الەكسەي فينيكوۆ «سولتۇستىك اعىن – 2» قۇرىلىسى اياقتالعانىن, گاز قۇبىرى ىسكە قوسىلۋعا دايىن ەكەنىن ايتتى.