ەكىنشى ورتا سالماق دارەجەسىندە الەمنىڭ ءابسوليۋتتى چەمپيونى اتانعان مەكسيكالىق ساۋل الۆارەس امەريكالىق كالەب پلانتتى جەڭگەننەن كەيىن گەننادي گولوۆكينمەن ءۇشىنشى مارتە جۇدىرىقتاسۋعا دايىن ەكەنىن جەتكىزدى, دەپ حابارلايدى Egemen.kz.
الۆارەستە قازىر ساناۋلى عانا نۇسقا بار. ءبىرىنشىسى, ەكىنشى ورتا سالماق دارەجەسىندە قازاقستاندىق گەننادي گولوۆكينمەن ءۇشىنشى شايقاسقا شىعۋ. ەكىنشىسى, جارتىلاي اۋىر سالماقا كوتەرىلىپ, چەمپيوندار ارتۋر بەتەربيەۆ, دميتري بيۆول سياقتى مىقتىلارمەن جۇدىرىقتاسۋ. ءۇشىنشىسى, داۆيد بەناۆيدەسپەن قولعاپ ءتۇيىستىرۋ.
بىزدىڭشە, الۆارەس ءدال قازىر جارتىلاي اۋىر سالماققا كوتەرىلمەيدى, بەناۆيدەستى دە كۇتپەيدى. مۇمكىندىگىنشە گولوۆكينمەن ءۇشىنشى جەكپە-جەكتى وتكىزۋگە تىرىسادى. ول ءۇشىن گەنا كەلەسى سالماققا ءوتۋى كەرەك. الۆارەس تە, گولوۆكين دە تريلوگيا ەڭ تابىستى شايقاس ەكەنىن بىلەدى. قارجىلىق جاعىنان بۇدان اسقان ءتيىمدى شايقاس تا جوق. سوندىقتان دا ەكەۋى كەلىسىمگە كەلۋى كەرەك. وعان كۇمان جوق.