امەريكانىڭ حيۋستون قالاسىندا (تەحاس شتاتى) Astroworld مۋزىكالىق فەستيۆالىندە 300-گە جۋىق ادام تاپتالىپ قالعان, سەگىزى قازا تاپتى, دەپ جازادى Egemen.kz ۆۆس-گە سىلتەمە جاساپ.
وقيعا فەستيۆالدىڭ العاشقى كۇنى – جۇما, جەرگىلىكتى ۋاقىتپەن ساعات 21:15-تە رەپەر ترەۆيس سكوتت ونەر كورسەتىپ جاتقاندا بولدى. سكوتت ونەر كورسەتىپ جاتقاندا كورەرمەندەر ساحناعا قاراي جىلجي باستاعان. سالدارىنان ادامدار كەپتەلىپ, دۇربەلەڭ باستالعان.
17 ادام اۋرۋحاناعا جەتكىزىلدى, ولاردىڭ 11-ىندە جۇرەكتىڭ توقتاۋى بولدى. كەيىنىرەك 8 ادامنىڭ كوز جۇمعانى انىقتالدى. 300 ادام ءتۇرلى جاراقات العان. Houston Chronicle گازەتىنىڭ جازۋىنشا, ترەۆيس سكوتت كونتسەرتتى بىرنەشە رەت توقتاتىپ, كۇزەتشىلەردەن ساحنا ماڭىنداعى كورەرمەندەردىڭ اماندىعىنا كوز جەتكىزۋلەرىن سۇراعان.
كونتسەرتتە بارلىعى 50 مىڭ كورەرمەن بولعان. ۇيىمداستىرۋشىلار جەكسەنبىگە جوسپارلانعان كونتسەرتتى وتكىزبەيتىن بولدى.