الماتىدا ءبىر وتباسى كومىرقىشقىل گازىنا ۋلاندى

الماتى قالالىق توتەنشە جاعدايلار دەپارتامەنتى ءباسپاسوز قىزمەتىنەن ءمالىم ەتكەندەي, جىلىتۋ جۇيەسىندەگى اقاۋلار - ۋلى گازبەن ۋلانۋدىڭ نەگىزگى سەبەپتەرىنىڭ ءبىرى.

«5 قاراشا كۇنى, تاڭعى ساعات 08:30-دا الماتى قالالىق تجد-گە بوستاندىق اۋدانىنىڭ نۇرلىتاۋ ىقشاماۋدانىندا پەشتىڭ اقاۋى سالدارىنان ءتورت ادامنان تۇراتىن وتباسى ء(ۇيدى جالداۋشىلار) ۋلى گازبەن ۋلانعانى تۋرالى حابارلاما ءتۇستى. ءۇش بالانىڭ اناسى 40 جاستاعى ايەل اۋرۋحاناعا جاتۋدان باس تارتتى. الايدا, ونىڭ بالالارى 20 جانە 12 جاستاعى ۇلدارى, 11 جاستاعى قىزى ورتاشا جانە جەڭىل دارەجەلى اۋىر حالدە اۋرۋحاناعا ءتۇستى. تەكسەرۋ بارىسىندا پەشتىڭ جارىقشاقتارى مەن تەسىكتەرى بولعانى انىقتالدى. سونىڭ سالدارىنان ۇيگە ۋلى گاز تاراۋى مۇمكىن», دەپ ءتۇسىندىردى قالالىق تجد-دە.

دارىگەرلەردىڭ ايتۋىنشا, بالالاردىڭ جاعدايى قاناعاتتانارلىق. ولاردىڭ ءومىرى مەن دەنساۋلىعىنا ەشقانداي قاۋىپ ءتونىپ تۇرعان جوق.

«قر اكىمشىلىك قۇقىق بۇزۋشىلىق تۋرالى كودەكسىنىڭ 410-بابىنىڭ 1-بولىگىنە سايكەس, اتاپ ايتقاندا, قاتتى وتىنمەن جىلىتىلاتىن پەشتەردى پايدالانۋ كەزىندە ءورت قاۋىپسىزدىگى تالاپتارىن بۇزعانى ءۇشىن ءۇيدىڭ جالعا الۋشىسى اكىمشىلىك جاۋاپكەرشىلىككە تارتىلدى», دەپ تولىقتىردى ۆەدومستۆودان.