اتىراۋ قالالىق پەرزەنتحاناسىنىڭ دارىگەرلەرى جۇكتى ايەلگە ءۇش رەت وتا جاسادى. وبلىستىق دەنساۋلىق ساقتاۋ باسقارماسىنىڭ ءباسپاسوز قىزمەتى تاراتقان اقپاراتقا قاراعاندا, جۇكتى ايەل پەرزەنتحاناعا 4 قاراشادا تۇسكەن, دەپ حابارلايدى Egemen.kz.
«جۇكتىلىكتىڭ 39 اپتاسىن وتكەرىپ جۇرگەن ايەل ىشكى اعزاسىنىڭ اۋىراتىنىنا شاعىمداندى. دارىگەرلەر جۇكتى ايەلدى جەدەل وتا بولىمىنە جاتقىزدى. كەسار تىلىگى ارقىلى سالماعى 4 كەلى ءسابي ومىرگە كەلدى. بوسانعان ايەلدە ىرىڭدەگەن سوقىرىشەك انىقتالدى. سوقىرىشەك وتا ارقىلى الىندى. سونداي-اق, جۇكتى ايەلدە كىندىك تۇسىندا جارىقشاق بارى بايقالىپ, ءۇشىنشى وتا جاسالدى» دەيدى پەرزەنتحانا ديرەكتورى گۇلزەينەپ ءدۇسىپوۆا.
دارىگەرلەر ءۇش وتا جاسالعان انا مەن ءسابيدىڭ جاعدايىن تۇراقتى دەپ باعالاپ وتىر.