دەنساۋلىق ساقتاۋ ءبىرىنشى ۆيتسە-ءمينيسترى مارات شورانوۆ قازاقستانعا Pfizer ۆاكتسيناسى 8-14 قاراشا ارالىعىندا جەتكىزىلەتىنىن ايتتى. ۆاكتسينا 12-18 جاس ارالىعىنداعى جاسوسپىرىمدەرگە, سونداي-اق جۇكتى جانە بالا ەمىزەتىن ايەلدەرگە قولجەتىمدى بولادى, دەپ جازادى Egemen.kz.
كوروناۆيرۋسقا قارسى ەكپە 16-18 جاستاعىلارعا ءبىرىنشى سالىنادى.
بۇل تۋرالى قازاقستاننىڭ باس مەملەكەتتىك سانيتاريا دارىگەرى ەرلان قياسوۆ بەكىتكەن نۇسقاۋلىقتا ايتىلعان.
«باستاپقى كەزەڭدە كوروناۆيرۋسقا قارسى پروفيلاكتيكالىق ۆاكتسينالاۋ 16 مەن 18 جاس ارالىعىنداعى جاسوسپىرىمدەردەن باستالادى. كەيىن (16 مەن 18 جاس ارالىعىنداعى جاسوسپىرىمدەردى ۆاكتسينالاۋ اياقتالعاننان كەيىن) 15, 14, 13 جانە 12 جاستاعى جاسوسپىرىمدەر ەكپە الادى», دەلىنگەن.
ءبىلىم بەرۋ ۇيىمدارىندا (مەكتەپتەردە, كوللەدجدەردە, جوعارى وقۋ ورىندارىندا جانە ت.ب.) وقيتىن جاسوسپىرىمدەردى ۆاكتسينالاۋ وقۋ ورنى بويىنشا جۇرگىزىلۋى مۇمكىن.
قازاقستاندا جاسوسپىرىمدەردى ۆاكتسيناتسيالاۋ ەرىكتى تۇردە جانە ولاردىڭ اتا-اناسى مەن زاڭدى وكىلىنىڭ الدىن الا كەلىسىمىمەن عانا جۇرگىزىلەتىنىن ەسكەرىڭىز.