سان الۋان تاڭعاجايىپ قاسيەتىمەن ەل-جۇرتتىڭ جادىندا جاتتالعان ابىزدىڭ ءبىرى – بەكەت اتا. ونىڭ عاجايىپ قاسيەتى مەن كورەگەندىگى, ساۋەگەيلىگى مەن ساۋلەتكەرلىگى اڭىزعا بەرگىسىز اڭگىمەلەر جەلىسى نەگىزىندە ءالى كۇنگە ۇرپاقتان-ۇرپاققا جالعاسىپ كەلەدى.
قينالعاندا ارۋاعىنان مەدەت سۇراعان جاننىڭ تىلەگىن قابىل ەتكەن بەكەت اتانىڭ سان قىرىن كەيىنگى ۇرپاققا ناسيحاتتاۋشىنىڭ ءبىرى – يسلام قاجى مىرزابەك ۇلى. ابىزدىڭ كىندىك قانى تامعان كيەلى مەكەن – جىلىوي اۋدانىنداعى اقمەشىت قورىمىندا ۇزاق جىل شىراقشى بولعان ول «بەكەت اتا» كىتابىن جارىققا شىعارعان ەدى. ەندى ءدال وسى كىتاپ اعىلشىن تىلىنە اۋدارىلىپ, وقىرمان قولىنا ءتيدى. 300 بەتتىك كىتاپتىڭ تارالىمى – 1000 دانا.
س.وتەباەۆ اتىنداعى اتىراۋ مۇناي جانە گاز ۋنيۆەرسيتەتىنىڭ رەكتورى گۇلزادا شاكۋليكوۆانىڭ ايتۋىنشا, بۇل يدەيانى اتالعان وقۋ ورداسىندا جۇمىس ىستەيتىن «بولاشاق» باعدارلاماسىنىڭ تۇلەكتەرى قولعا الىپتى. بىرنەشە شەتەل ءتىلىن مەڭگەرگەن جاستار اقمەشىت قورىمىنا بارعاندا وسىنداي شەشىمگە بەكىنگەن.
– ۇلى دالا تاريحى – حالقىمىزدىڭ ماڭگىلىك مۇراسى. ۇلتتىق قۇندىلىقتار مەن اسىل مۇرالاردى ۇرپاقتان-ۇرپاققا جەتكىزۋدى بارشامىزدىڭ بورىشىمىز دەپ ۇعىنۋىمىز كەرەك. سول سەبەپتەن ۇلتتىق قۇندىلىقتارىمىزدى ۇلىقتاپ قانا قويماي, بابالاردان جەتكەن شەجىرەلى تاريحىمىزدى وزگە تىلدە ناسيحاتتاۋدى كوزدەدىك, – دەيدى گۇلزادا شاكۋليكوۆا.
اتىراۋ وبلىسى