وڭتۇستىك پەن سولتۇستىك كورەيا باۋىرلاستىق شاراسىن وتكىزدى

بۇگىن, وڭتۇستىك كورەيانىڭ 100-دەن استام ازاماتى تۋىسقاندارىمەن كورىسۋ ءۇشىن سولتۇستىك كورەياعا كەلدى, دەپ حابارلايدى يتار-تاسس اگەنتتىگى.

1950-1953 جىلدارى كورەي سوعىسى كەزىندە ءبىر-بىرىنەن كوز جازىپ قالعان وتباسىلاردىڭ كەزدەسۋى كحدر اۋماعىندا ورنالاسقان كىمگانسان كۋرورتتىق ايماعىنداعى قوناق ۇيلەردىڭ بىرىندە ءوتتى. كەزدەسۋگە ەكى جاقتان 180-گە جۋىق قارت ادام كەلگەن. ولاردىڭ تابىسۋىنا 60 جىلدان استام ۋاقىت بويى مۇمكىندىك بولماعان ەكەن.   

12-14 اقپاندا جوعارى دەڭگەيدە وتكەن كورەيارالىق كەلىسسوزدەر بارىسىندا اتالمىش شارانى وتكىزۋ جونىندە شەشىم قابىلداندى. بۇدان بۇرىن ءبىر-بىرىنەن كوز جازىپ قالعان وتباسىلاردى كەزدەستىرۋدى 20-25 اقپاندا وتكىزۋ جوسپارلانعان ەدى. الايدا, سوڭعى ساتتە بۇل شارا كەيىنگە قالدىرىلدى.

ءبىر-بىرىنەن كوز جازىپ قالعان وتباسىلاردى كەزدەستىرۋ شاراسى العاش رەت 1985 جىلى ءوتتى. سونىڭ ارقاسىندا 21,7 مىڭ ادام ءوز تۋىستارىن كورۋگە مۇمكىندىك العان ەدى. سودان بەرگى 15 جىل ىشىندە مۇنداي شارا قولعا الىنباعان ەكەن.

ايدار ورىسباەۆ.

دەرەككوز: Itar-tass.com.

فوتو: Itar-tass.com.