«اڭساعان ءسابيدىڭ» تۇڭعىشى

ءمينيستردىڭ ايتۋىنشا, «اڭ­سا­عان ءسابي» باعدارلاماسى بو­يىنشا ءساتتى جاسالعان ەكستراكورپورالدى ۇرىقتاندىرۋ (ەكۇ)  ناتيجەسىندە 15 قازان­دا ال­عاشقى نارەستەنىڭ كىندىگى كە­سىل­دى. وسىلايشا, قازاق­ستان­نىڭ رەپرودۋكتيۆتى مەديتسينا قاۋىم­داس­تىعى ەلىمىزدە ەكۇ ار­قىلى دۇ­نيەگە كەلگەن بالا­لار­دىڭ سانى 25 مىڭعا جەتكەنىن مالىمدەدى.

تالعار اۋدانى تالدىبۇلاق اۋىلىندا تۇراتىن دانا توعىز جىلدان بەرى بالا سۇيە الماي, رەپرودۋكتيۆتى مەديتسينا ينستيتۋتىنا جۇگىنگەن. ول «جاس-اي» مەديتسينا ورتالىعىندا اعا مەدبيكە بولىپ جۇمىس ىستەيدى. ال كۇيەۋى قۋاندىقتىڭ ماماندىعى – ەلەكتريك. جۇبايلار ۇزاق ۋاقىت بويى قارجىلىق جاعدايىنا بايلانىستى ەكۇ جاساتا الماي كەلگەن ەكەن.

ەرلى-زايىپتىلارعا «اڭساعان ءسابي باعدارلاماسىنىڭ كۆوتاسى بويىنشا ەكۇ كومەگىمەن جۇكتىلىكتى جوسپارلاۋ ۇسىنىلدى. وسىلايشا, ايەل ادام دارىگەر اياۋلىم كوسەتوۆانىڭ قاراۋىندا بول­عان. العاشقى تالپىنىستان كەيىن-اق بويىنا بالا بىتكەن دانا قازاننىڭ ورتاسىندا №1 قالالىق پەرزەنتحانادا بوساندى. جارىق دۇنيە ەسىگىن اش­قان نارەستەنىڭ سالماعى – 3,156 كگ جانە بويى – 52 سم. ال اڭ­سا­عان ءسا­بيدىڭ ەسىمى ارمان دەپ قو­يىل­دى.

وسى ورايدا پرەزيدەنت بىل­تىرعى جولداۋىندا ۇكىمەتكە 2021 جىلدان باستاپ «اڭساعان ءسابي» ارناۋلى باعدارلاماسىن جۇزەگە اسىرۋدى تاپسىرىپ, ەكۇ باعدارلامالارى بويىنشا بولى­نەتىن كۆوتا سانى 7 مىڭعا دەيىن, ياعني 7 ەسە ۇلعايعانىن اتاپ وتكەن ءجون. بۇل رەتتە وسىعان دەيىن ەكۇ-عا جىل سايىن 900-1000 كۆو­تا ءبولىنىپ كەلگەنىن اتاپ وتكەن ءجون. جالپى, ەكۇ پروتسەسى 2010 جىل­دان بەرى تەگىن مەديتسينالىق كو­مەكتىڭ كەپىلدىك بەرىلگەن كولە­مى­نە قوسىلعان.

بۇگىنگى تاڭدا «اڭساعان ءسابي» باع­دار­لاماسىن ءساتتى جۇزەگە اسى­رۋ ماقساتىندا بالا كوتە­رۋ­گە قا­بىلەتتى جاستاعى ايەل­دەر مەن ەرلەردىڭ سانىن, بۇعان قا­­تىس­تى وبلىستار مەن قالا­لار­­داعى جاعدايدى ەسكەرە وتىرىپ, ەكۇ-نىڭ 7 مىڭ كۆوتاسىن ءبولۋ جۇرگىزىلدى. رەسپۋبليكالىق ەلەكتروندى دەنساۋلىق ساقتاۋ ورتا­لىعى ۇسىنعان اقپارات بو­يىن­شا بيىل 15 قىركۇيەكتە 5 980 (85%) پاتسيەنت قرت باع­دار­لا­مالارىن جۇرگىزۋگە جولداما الدى, ونىڭ ىشىندە 4 345 پاتسيەنتكە ەكۇ جاسالدى, سونداي-اق 1 361 پروتسەسس باستالدى.