قازاقستاندىق تەننيسشى اندرەي گولۋبەۆ موناكو وكىلى ۋگو نيسپەن بىرگە ءبىرىنشى اينالىمدا قازاقستاننىڭ ءبىرىنشى راكەتكاسى الەكساندر بۋبليك جانە بەلورۋس يليا يۆاشكامەن كەزدەستى, دەپ حابارلايدى Egemen.kz قتف ءباسپاسوز قىزمەتىنە سىلتەمە جاساپ.
بۇل جارىستا گولۋبەۆ پەن نيس ءساتتى ونەر كورسەتىپ, كوزگە ءتۇستى. ولار 48 مينۋتتا ەكى سەتتە 6:3, 6:1 ەسەبىمەن جەڭىسكە جەتىپ, وزدەرىنىڭ مارتەبەسىن راستادى.
ولاردىڭ شيرەك فينالداعى قارسىلاستارى 27 قازاندا, بوسنيالىق توميسلاۆ بركيچ پەن سەربيالىق نيكولاي كاچيچ جانە مەكسيكاندىق سانتياگو گونسالەس پەن ارگەنتينالىق اندرەس مولتەني اراسىنداعى ماتچ اياقتالعاننان كەيىن انىقتالاتىن بولادى.
سونىمەن قاتار, برەستتە «چەللەندجەر» سەرياسى ءتۋرنيرىنىڭ جەكە رازريادىنىڭ بىلىكتىلىگىن وتكەن تاعى ءبىر قازاقستاندىق الەكساندر نەدوۆەسوۆ ءبىرىنشى راۋندتا فرانتسيا وكىلى الەكساندر ميۋللەردەن 3:6, 6:3, 6:7 ەسەبىمەن ۇتىلدى. وسى تۋرنيردەگى كەلەسى ماتچىن نەدوۆەسوۆ 27-ءشى قازاندا جۇپتىق رازريادتىڭ ءبىرىنشى راۋندى اياسىندا وتكىزەدى, وندا ول ۋكرايندىق دەنيس مولچانوۆپەن بىرگە ءۇندىستاننان كەلگەن سريرامبال ناراياناسۆام مەن ديۆيج شارانعا قارسى وينايدى.