وسىدان ءبىر اپتا بۇرىن تەرەڭكول اۋدانىنداعى بەرەزوۆكا اۋىلىندا 42 ءۇي قۇسىنىڭ قىرىلعانى تۋرالى اقپارات تارادى, دەپ حابارلايدى Egemen.kz 24.kz-كە سىلتەمە جاساپ.
ولاردان الىنعان سىنامادان جوعارى پوتوگەندى قۇس تۇماۋى انىقتالعان. وسىعان وراي ءۇي اۋلاسى كارانتينگە جابىلىپ 250 قۇس جويىلدى. جۋىردا ءدال وسىنداي جاعداي وبلىس ورتالىعىنا جاقىن ورنالاسقان پاۆلودار اۋىلىندا تىركەلدى. ماماندار قاۋىپتى ىندەت سۋدا جۇزەتىن جابايى قۇستاردان جۇعۋى مۇمكىن دەپ وتىر.
ايتا كەتەيىك, ءۇي قۇستارى تۇماۋعا قارسى ەگىلگەن. وتكەن جىلى پاۆلودار وبلىسىنا ۆاكتسينانىڭ 500 مىڭ دوزاسى بولىنگەن بولاتىن. ال قۇستاردىڭ اۋرۋعا شالدىققانى ازىرگە تۇسىنىكسىز جايت. قازىر قىزمەتتىك تەكسەرۋ ءجۇرىپ جاتىر. ناتيجەسى الداعى ۋاقىتتا بەلگىلى بولادى. بۇگىنگى تاڭدا جالپى سانى 344 قۇس جويىلدى. وتەماقى ماسەلەسى جەكە كوميسسيا وتىرىسىنان كەيىن شەشىلەدى.«قاۋىپ بار. سەبەبى جىل قۇستارى تولىق ۇشىپ كەتكەن جوق. وسىعان بايلانىستى ءبىز تۇرعىندارعا قولدارىنداعى قۇستارىن دالاعا شىعارماۋعا كەڭەس بەرەمىز. ويتكەنى جابايى قۇستاردىڭ اراسىندا تۇماۋ قوزدىرعىشتارىن تاسىمالداۋشىلار كەزدەسۋى مۇمكىن», دەدى ۆەتەريناريا باسقارماسىنىڭ ەپيزوتيالىق شارالارعا قارسى ءبولىم باسشىسىنىڭ م.ا. عالىم بەيسەنوۆ.